Disa dëshmitarë nuk u paraqitën, të tjerë ndryshuan deklarimet - thotë Del Ponte për lirimin e Haradinajt
Nuk jam aspak e befasuar - thotë ish-kryeprokurorja e Tribunalit të Hagës për krime në hapësirën e ish-Jugosllavisë, Carla del Ponte lidhur me lirimin e Ramush Haradinajt në një intervistë në radion gjermane Deutsche Welle. Del Ponte ka qenë kryeprokurore e Tribunalit të Hagës, kur u ngrit aktakuza kundër Ramush Haradinajt, i cili u lirua si i pafajshëm.
Thotë Del Ponte: "Haradinaj është shpallur i pafajshëm edhe në procesin e parë, ndërsa ky ishte tani procesi i dytë. Unë i kam ndjekur të gjitha hetimet kundër tij dhe në bazë të tyre kam përpiluar aktakuzën. Aktakuza është konfirmuar nga një gjykatës i Tribunalit por gjatë procesit ka qenë shumë e vështirë nxjerrja e dëshmive. Disa dëshmitarë nuk janë paraqitur në proces, ndërsa të tjerët kanë ndryshuar deklaratat e tyre. Ky ka qenë problemi kryesor, ndaj Haradinaj është shpallur i pafajshëm. Gjykata e Apelit më pas ka vendosur që procesi të përsëritet. Por edhe në procesin e dytë problemi ka mbetur i njëjti: nuk janë paraqitur dëshmitarët".
Pyetjes së DW "Si e shpjegoni zhdukjen e disa dëshmitarëve e madje edhe vrasjen e tyre?" - Del Ponte i përgjigjet:
"Unë nuk kam njohuri për rezultatet e hetimeve, që janë bërë në Kosovë lidhur me këto raste, sepse nuk jam më në Hagë. Por fakt është që dëshmitë nuk kanë mundur të paraqiten në Hagë. Prokuroria e ka kryer punën e vet dhe këtë punë e ka kryer siç duhet. Ndërkohë që përgjegjësinë për vendimet i ka gjykata. Unë mendoj se prokuroria e ka kryer mirë punën e vet"
Tribunali i Hagës po zhvillon proceset e fundit dhe mund të mbyllet në vitin 2014. - A.N.
Comments
Kjo zonje plake u ka borxh
<p>Kjo zonje plake u ka borxh shqiptareve, sepse me se paku ka be deklarata te papergjegjshme si ajo per shtepine ne Mat, permbajtja e te cilave i ve ne dyshim logjika e njeriut te thjeshte dhe kane qene te papranueshme per njerezit me nivel profesional dhe kultururor te mjaftueshem.</p><p>Me te arsyeshme kane qene dyshimet e shpreheura se kjo zonje u be zedhenese e interesave te Beogradit, sesa deklarimet e saj te djeshme dhe te sotme.</p><p>Ndaj saj nuk ka hakmarrje me te denje sesa te hetohen disa nga deklaratat e saj, perfshi ate per shtepine ne Mat, si dhe te gjitha deklaratat e zviceranit tjeter me emrin Dik Mart. Shteti yne dhe ai ne Kosove duhet te bejne gjithcka duhet qe hetimeve te shkojne deri ne fund.</p>
Zonja thote se prokuroria
<p>Zonja thote se prokuroria paska bere nje pune shume te mire, por ajo permend vetem deshmitaret, dhe jo edhe provat qe ka gjetur kjo prokurori. </p><p>Nje proces me permasa te tilla do te duhej te kishte nje mori deshmitaresh, prvash e faktesh, ku mungesa e disa prej te cileve s'duhej te ishte ndjere fare. Ajo flet per zhdukje deshmitaresh sikur te behet fjale per ndonje gjyq mafiozesh ku deshmitari kyc prish gjithe gjyqin e jo per akuzagenocidi, ku deshmitaret i bie te jene te shumte ne numer.</p><p>Problemi me prokuroren eshte se deri me tani ka udhehequr nje mision te deshtuar ku Milloshevici vdiq pas disa vitesh dhe shkarkoi Serbine nga gjithe krimet e luftes qe beri ne Ballkan, ku Ante Godovina me kriminele te tjere priten si heronj dhe zonjes nuk i paska dale hesapi me ca palo deshmitare kunder Haradinajt.</p>
Add new comment