Dinosauri i fundit
Mbrëmjen e djeshme kryeministri italian Mario Monti dha dorëheqjen nga mandati qeverisës vetëm pak muaj para përfundimit normal të legjislaturës. Pasi u emërua në krye të ekzekutivit një vit më parë për ti dalë zot krizës financiare që po zhyste shtetin drejt falimentimit, Monti u detyrua të largohej sepse Partia e Popullit të Lirisë tërhoqi mbështetjen parlamentare. “Qeveria po përfundon, por nuk është faji i Maya-ve”, u shpreh Monti me ironinë e tij anglosaksone. Zgjedhjet e parakohshme (data më e mundur do jetë 27 shkurti i 2013), janë dhurata e Krishtlindjeve të dinosaurit të fundit të Europës, Silvio Berluskonit.
Mbreti Silvio, pasi shpërdoroi shumicën parlamentare më të thellë në historinë e Republikës, pasi katranosi pak e nga pak reputacionin e vet me historira të mjerueshme prostitucioni, rikthehet në fushëbetejën politike dhe garon si kandidat kryeministër për zgjedhjet e ardhshme. Prej disa ditësh ka pushtuar rrjetet televizive me një buzëqeshje të stërmadhe dhe po përsërit të njëjtat fraza dhe shprehje që e kanë karakterizuar që nga viti i largët 1994.
Në thelb Berluskoni është një shitës i klasit të parë. Qofshin tenxhere, dyshekë apo ëndrra, Silvio është i paarritshëm edhe në moshën e pleqërisë. Duke shpresuar që një vit e gjysmë larg arenës politike të kenë mjaftuar për të mjegulluar kujtesën e italianëve, Silvio çeli fushatën elektorale me premtimet e kahershme. Taksa më të ulëta, më pak kontrolle të policisë tatimore, sulme të vazhdueshme kundër Bashkimit Europian dhe Gjermanisë. Nuk mund të mungonin edhe sharjet ndaj “gjykatësve komunistë që po më persekutojnë”, dhe kundër reformave të Montit që “po e çojnë Italinë drejt depresionit”.
Repertori i yllit televiziv Silvio është i kompletuar dhe do vazhdojë në rritje derisa të arrijnë pikun me ndonjë premtim apo deklaratë magjepsëse: tamam si në cirk. Lind natyrshëm pyetja: si është e mundur që e djathta italiane të varet akoma nga tekat e një miliarderi plak, besueshmëria e së cilit është e njëjtë me parashikimin e fundit të botës të fisit Maya? Si është e mundur që krahu kryesor i klasës politike italiane nuk arriti të nxirrte një lider të ri karizmatik dhe të pakompromentuar dhe të dergonte në pension kartën e djegur me emër Berluskoni?
“U rikthye mumja”, titullonte francezja Liberation, “erdhi bunga-bunga”, ja priste gjermania Bild duke ironizuar festat seksuale të Silvios, “kujdes, rrezik në Itali”, vazhdonte zviceriania Le Temps, “mamma mia, erdhi përsëri!” shkruante The Economist . Reputacioni ndërkombëtar i Silvios është shumë afër zeros, ndërkohë që partnerët e Bashkimit Europian janë trembur nga tigri anti-euro që Sulltani milanez po kalëron për të rifituar votat e humbura.
Mario Monti dhe ministrat e qeverisë teknike i iniektuan pacientit me emër Itali një ilaç të thartë që përbëhej nga rritje taksash dhe shtrëngim rripi. Kjo kurë e rreptë u bë e nevojshme edhe për shkak të politikës frymëshkurtër të dekadës berluskoniane. Rikthimi i sëmundjes nuk është ilaçi: ndoshta ka ardhur momenti që nëpërmjet votës së lirë të dalë jashtë skene edhe dinosauri i fundit i Europës. E.Xhanari
Comments
Mario Monti po ju ve taksa
<p>Mario Monti po ju ve taksa qytetareve te vet mbi shtepine (konsideron shtepine luks!) nderkohe qe 10-fishoi kuoten e Italise ne shpetimin e Greqise duke e rritur nga 3 ne 30 miliard euro.</p><p>Loja absurde e Montit eshte :</p><p>Merr borxh ne emer te italise per ti dhene ndihme greqise me interresa afer 5% kur greqia ne baze te mareveshjeve dihet se i kthen me 3 %. (diferenca ?)</p><p>Nga tetori 2010 deri nentor 2011 me Berlusconin borxhi eshte rritur 2%</p><p>Nga nentori 2011 deri ne dhjetor 2012 borxhi u rrit 5%.(njeri me zi se tjetri!)</p><p>Monti ka simpatine e burokrateve europiane se po luan nje loje te interresava te dikujt qe nuk quhet "popull italian"</p>
Monti ishte kryeminister i
<p>Monti ishte kryeminister i nje qeverie teknike, ishte i 'komanduar' nga lobet financiare dhe rrjedhimisht pa vota popullore. Kjo e beri popullin italin 'te qeshur te perqeshur' pothuaj njelloj se greket. Merr borxh per te shlyer borxh me justifikimin 'mos na falimentojne bankat' ndaj me mire rrisim taksat horizontale. Kjo i beri italianet 'te bien nga rete'.</p><p>Dinosauri Berluskoni, pavaresisht nga cilat interesa priret, preferon te ndeshet ne arenen politike te votes popullore, dhe italianet nuk janer kaq pa kulture e demokraci sa mund te kujtojme. Ata tanime nuk presin therrime nga pushteti lur u takon e gjithe panin'ja.</p><p>Europa, e sidomos Merkel, nuk e presim mire kete 'dinosaur prej letre', pasi ata e detyruan te jape doreheqje dhe pse ishte i votuar, duke e kercenuar se nuk do t'i jepnin kredi me interesa te justifikueshme, duke bere nga ca kompani rivleresime ne zbritje nga A-te tek B-te e tek C-te e ku di me.</p><p>Shterngimi i rripit nuk ishte ilac per kete semundje infektive europiane, por kalimi i krizave pushtetore ne kriza familjare e individuale, duke harruar qe cdo gje qendron mbi shpatullat e individeve ne mase ( edhe pse ca bejne me hile).</p><p>Dhe e fundit, italianet nuk jane si shqiptaret, s'duan t'ja dijne per europianet deri ne ate mase 'se cfare thone e cfare deshirash kane ata'...</p><p> </p>
Une nuk e di sa e ndjek
<p>Une nuk e di sa e ndjek ky apo kjo gazetare politiken italiane por dua te them vetem nje gje: Kjo europe qe neve aq shume e admirojme po kjo europe po ja ben gropen italise dhe disa shteteve te tjera, dhe Monti i cili pati padyshim edhe mbeshtetjen e PDL nuk punoi per Italine por per keto shtete te tjera qe tani e shajne Berluskonin. Ai si nje tregtar i mirefillt e kupton qe qe secili ben lojen e tij dhe natyrisht ai do beje lojen e tij por jo duke iu nenshtruar ketyre sic bejne keta politikanet tek ne por me zotesine e tij dhe me argumenta te cilat do ti sherbejne vete italianeve.Cdo njeri mendon per familjen e vet dhe Berluskoni shtepine e vet ka Italine dhe jo Europen. Ne shkrim citohet si Dinosaur: po eshte dinosaur dhe jo liliput Liliputi eshte Monti i cili i takson Italianet deri ne 60 perqind. Ai e ktheu Italine ne nje shtet policor ku njerezve u behet llogari sa kafshata hane. Ecoitalia kjo shoqeri private te ciles i eshte caktuar te mbledhe taksat e qytetareve italiane eshte bere gangrena e tyre.Ne tregun europian qe ekziston italise i jane mbyllur shume rruge sepse keto shtete qe tani shajne Berluskonin me marreveshjet midis tyre i kane bere bllokade shume produkteve italiane. Shume ndermarje te mesme dhe kompani te fuqishme ne itali jane mbyllur dhe po vazhdojne te mbyllen per shkak sepse skane me treg ne europe dhe per shkak te taksave te larta sepse gjith tregu kontrollohet nga ndermarrjet gjermane , franceze dhe angleze. Mendoj se nje rrikthim i Berluskonit do te jete nje frymemarje per qytetaret italiane . Si lojtar i shkathet qe eshte do ti jape nje ngritje ekonomise italiane per ata vete por edhe per shume tregtare e qytetare shqipetare te cileve do tju ulen cmimet e produkteve qe importohen prej italise pasi dihet qe kriza prodhon cmime te larta dhe duke u lur cmimet atje do te ulen edhe tek ne. E mirepres kete kthim te tij.</p>
Add new comment