Detaje të reja për ”Divjakën”, GSH shkruan: Riformato kishte 2 bashkëpunëtorë, zbulohet shitësi

Piloti italian Giorgio Riformato, avioni i të cilit ngeci në rërën e Divjakës, duket se nuk ka qenë i vetëm në ‘sipërmarrjen’ e tij kriminale. “Gazeta Shqiptare” shkruan sot se në dosjen e prokurorisë, thuhet se Riformato shoqërohej nga dy persona të tjerë, në momentin që është akomoduar në hotel “K...”, pranë Prokurorisë së Përgjithshme.  “B.Ç. dhe E.H., recepsionistë në hotelin ‘K...’, kanë deklaruar se në datën 09.05.2014, ora 00:10, ka shkuar në këtë hotel shtetasi italian Giorgio Riformato, i cili ishte i shoqëruar nga dy persona. Riformato është akomoduar në dhomën nr.106", theksohet në dosje.

Hetuesit nuk bëjnë publikë identitetet e këtyre dy personave, të cilët janë identifikuar përmes pamjeve filmike të kamerave të sigurisë së hotelit. Vetë Riformato ka këmbëngulur se gjatë qëndrimit të tij në hotel nuk është takuar me asnjeri, por faktet dhe provat e rrëzojnë alibinë e tij. Nga ana tjetër, i arrestuari tjetër, Saimir Bajrami ka rrëfyer personi që i ka shitur drogën quhet Agron dhe është nga Fushë- Kruja. “Nuk di më shumë rreth tij. Sasinë prej 207-208 kg hashash ma dorëzoi mëngjesin e 10 majit. I pagova 56 mijë euro” ka deklaruar Bajrami për drogën që iu sekuestrua nga policia në makinën “Mitsubishi” në Divjakë.

Për më shumë lexoni: http://www.balkanweb.com/kryesore/1/droga-e-divjakes-zbulohet-shitesi--piloti-italian-kishte-2-bashkepunetore-189851.html

n.k