Detaje nga dosja e “vrasësve me porosi”. Sinanaj u pagua 7 mijë e 500 euro për të trembur me tritol Ardian Kollozin

Prokuroria jep të tjera detaje rreth aktivitetit të Julian Sinanajt dhe grupit të vrasjeve me porosi. Nga hetimet ka rezultuar se Sinanaj është paguar me 7 mijë e 500 euro për vendosjen e 600 gramëve tritol ne banesen e ish-kreut të ALUIZN-it, Ardian Kollozi.

Sinanaj, i arrestuar më 25 janar 2014, deklaroi se  me porosinë e  biznesmenit të ndërtimit Erjon Mëhilli, kishte vendosur lëndë plasëse në pallatin e Kollozit, me qëllim përhapjen e panikut mes familjeve që banonin në pallat, si dhe për të dëmtuar apartamentin e banimit të  Kollozit.

Tv Klan raporton se Prokuroria e Krimeve të Rënda ka zbardhur edhe një tjetër epiosod të personave të përfshirë në vrasjet me porosi. I pandehuri Marjon Mitro  i ka  dhuruar me kontrate  shitjeje fiktive  te pandehurit  Julian Sinanaj një  ambient tregtare në zonën e Vlorës  të vlerësuar në shumën 50.000 euro  me qëllim që Sinanaj të mundësonte ekzekutimin e shtetasit me iniciale M.L.

Sinanaj dhe Ndricim Gjokona kishin siguruar një pushkë karabinë të cilën e kishin adaptuar, duke i vendosur një dylbi dhe një silenciator  me qëllim që t’i jepnin asaj karakterin e një arme snaiper me të cilin do realizonin vrasjen nga një distancë e largët.

l.m