Deputeti i PD, Kastriot Islami, flet për Ramën si “plot ankth e i eksituar, me egërsi...”

“Rama në fillim të debatit për programin dhe përbërjen e qeverisë dhe pasi u mbyllën diskutimet reagoi plot ankth e i eksituar, me egërsi dhe sikur të ishte jashtë kontrollit. Ai ishte shume agresiv ndaj opozitës dhe disa herë e kërcënoi atë me fjalor ofendues dhe fyes. Kërcënimi ishte real dhe i turpshëm… Rama ndër të tjera tha: “Ju ende nuk e keni parë ç’është dhuna...” Me sa duket ky është i vetmi premtim që do ta realizojë sa herë të vijë në Kuvend ndaj opozitës, ndaj biznesit, ndaj administratës, ndaj çdo kundërshtari…  Drejtimi i Kuvendit ishte i njëanshëm dhe opozitës nuk iu dha fjala pas breshërisë së fyerjeve, ofendimeve dhe kërcënimeve të Ramës ndaj deputetëve të opozitës...”, citohet Kastriot Islami nga gazeta “55”, e cila bën kujdes që sa herë t’i përmendë emrin, të përcaktojë edhe që është deputet demokrat.

Rama, pat thënë gjatë seancës për Islamin: “Ne kemi shpëtuar që të gjithë që kur e pushuam nga puna kontabilistin e përqindjeve elektorale, që e keni marrë ju dhe e gëzofshi për vakitë e radhës. Ne na e kishte lënë Partia e Punës atje, se është si ato vajtojcat profesioniste, që shkojnë nëpër vaki dhe qajnë me ligje, për të çliruar të afërmit nga dhimbja e të ikurit”.

k.c.