Deklaratë surprizë e Gjeorgjievskit: maqedonas, mësoni shqip, s’keni rrugë tjetër!
Ish-kryeministri dhe lideri i VMRO-Partia Popullore, Lubço Georgievski ka theksuar se maqedonasit patjetër duhet të mësohen të bashkëjetojnë me shqiptarët. Ai këtë e ka theksuar në një intervistë për “Evropa e Lirë” thotë agjensia INA.
“Tashmë nuk ka projekt për shkëmbim të territoreve. Tani mësoni gjuhën shqipe nëse dëshironi që të keni ardhmëri në Maqedoni. Këtë e flas disa herë, dhe këtë e them edhe në mënyrë simbolike, sepse besoj se është realitet. Mendoj se një nga handikepet më të mëdha të popullit maqedonas në këtë shtet të përbashkët është se shqiptarët e dinë gjuhën tonë, ndërsa ne nuk dimë gjuhën e tyre. Ky është realiteti. Ne duhet të mësohemi që të jetojmë me shqiptarët, ne patjetër të sillemi më tolerantë, ne patjetër duhet të dimë se çdo përmendore e ndërtuar sipas një rrëfimi të rrejshëm irriton shqiptarët dhe për fat të keq ky iritim s`ka të bëjë vetëm me shqiptarët”, theksoi ish-kryeministri Georgievski, i cili tashmë është pjesë e koalicionit të gjerë opozitar me Lidhjen Social demokrate në Maqedoni.
Vetë Gjeorgjievski akuzohet të ketë tentuar para 11 vitesh të bënte shkëmbim territoresh me Shqipërinë.
ne.su.
Comments
Linku i artikullit origjinal
<p>Linku i artikullit origjinal ju lutem.</p>
Kete nuk e prisja nga nje
<p>Kete nuk e prisja nga nje nacionalist si Gjeorgjevski! Nese te tijet por dhe te tjerat forca sllavo-maqedonase, e degjojne, ai shtet do te kete fatin e mire te behet Zvicra e Ballkanit! Ndryshe, me urrejtje, diskriminime, konflikte e ndarje, do te perfundonte si Bosnja, me shume humbes e asnje fitues! U takon sllavo-maqedonasve te shtrijne doren e pajtimit, te pranojne e zbatojne marreveshjen e Ohrit, te fillojne kooperimin e sinqerte dypalesh per te miren e te gjitha paleve, ndryshe nje dite urrejtja do te jete bere aq kronike, sa do te jete e veshtire ruajtja e Maqedonise siç e njohim sot! Nga ana tjeter shqiptareve te Maqedonise ne rast se ky shtet do t'i pranonte si faktor te barabarte me ate sllavo-maqedonas, u leverdis te jetojne atje ne paqe e mireqenie. Nje bashkim i mundshem me Shqiperine e bandes tradhtare te Berisheve, apo me Kosoven thaçiano-serbe, do t'i shpinte pashmangerisht ne nje katastrofe! Zgjidhja e mençur eshte federata shqiptaro-sllavo-maqedonase-turke, ku te treja komunitetet me te medha, do te gezonin te drejta te barabarta nen flamurin e Aleksandrit te Madh! Nese kjo realizohet, Gjeorgjevski do te kujtohet pergjate historise si nje hero, nje njeri me vizion e i mençur, qe zjarrin e urrejtjes e te konfliktit, e shenderroi ne bashkepunim miqesor!</p>
Ne fakt ai shtet ka vetem dy
<p>Ne fakt ai shtet ka vetem dy rruge:</p><p>1) Bashkejetesa ne nje federate demokratike dy-gjuheshe me shqiptaret.</p><p>2) Shperberja, paqesore ose me lufte. Nga kjo, qofte paqesore qofte e dhunshme, do te humbisnin te gjithe! Bile kjo zgjedhje do te ishte me pasoja te gjata dhe stabiliteti do te arrihej pas kushedi sa shekujsh, me konflikte, dhune, shkaterrime, vrasje dhe shkembime territoresh.</p><p>Mendoj se Georgevski e ka kuptuar qarte se vetem opcioni i pare eshte i dobishem per Maqedonine. Nese te gjithe partite maqedonase do ta mendojne si ai, e ardhmja e ketij shteti do te jete e sigurt, duke u bere shembull per gjithe Ballkanin e trazuar.</p>
Add new comment