Deficiti buxhetor 70% më i ulët, por investimet publike bien 60%

Deficiti buxhetor 5-mujor i shtetit shqiptar ishte 270 milionë dollarë më i ulët se një vit më parë (ose 70% më i ulët). Por ky reduktim gjigand nuk ka ardhur i gjithi nga rritja e të ardhurave, të cilat u rritën vetëm 140 milionë dollarë. Në krahun e shpenzimeve, ka patur një rënie të ndjeshme të investimeve publike – plot 200 milion dollarë, ose 60% më pak se një vit më parë. Kjo rënie dramatike e shpenzimeve për investime u balancua në një farë mase me shpenzimet për shlyerjen e detyrimeve të prapambetura ndaj bizneseve, që arrijnë shumën 115 milionë dollarë.

E.Zaloshnja