Dash Shehi: opozita ka kualitete. Protestat në rrugë, normale. Braktisja e sallës, “improvizim”

Dashamir Shehi, Kryetar i LZhK, tashmë deputet (në listën e PD) është shprehur skeptik për programin e qeverisës me një argument të vetëm: nuk ka një faturë financiare.

“Ky program qeverisës për mendimin tim është i parealizueshëm. Do të na pëlqente që të ishte i realizueshëm, por për fat të keq nuk jepet asnjë element bazë që ta bëjë atë të tillë. Kështu nuk ka asnjë lloj fature financiare, nuk ka burimet financiare mbi të cilat do mbështetej realizimi i tij, por dhe nuk është as fuqia ekonomike që ta mbështesë këtë program qeverisës.”

Në intervistën për Shqiptarja.com, Shehi u shpreh se opozita ka deputetë kualitativë dhe me potenciale, “ka deputetë që kanë qënë në qeveri në këto tetë vite dhe kanë mundësinë e të bërit opozitë profesionale dhe të bazuar në argumente të forta.”

Ai e ka quajtur normale edhe protestën e “fortë”, atë të shesheve, pasi “Kryetari i ri i PD Lulzim Basha do të shfrytëzojë të gjitha armët politike në fushëbetejë, për të bërë opozitë dhe për të përgatitur rrugën për të ardhur sërish në pushtet. Edhe Edi Rama, kryetari i qeverisë së re sa ishte në opozitë qëndroi dy vjet në çadra, në protesta përballë kryeministrisë deri në arritjen e qëllimit të tij final, ardhjen në pushtet.”

Ai megjithatë, ka konsideruar se opozita s’mund të bëjë veprime spontane e “improvizime”, si ai i braktisjes së sallës ndërsa fliste Rama, ku vetë Shehi nuk u largua.  

k.c.

E plotë:

http://www.shqiptarja.com/politike/2732/dashamir-shehi-jo-improvizime-nga-opozita-por-koordinim-176859.html