Dështon ceremonia e dorëzimit të Presidencës së KiE?
Shqipëria mbylli sot kryesimin e Këshillit të Ministrave të Këshillit të Evropës. Agjensia e lajmeve Balkanëeb raporton: “Shqipëria i dorëzoi sot presidencën e KIE-së,vendit pasardhës, Andorës. Në përmbyllje të kryesisë Shqiptare të Komitetit të Ministrave të Këshillit të Europës u mbajt paraditen e sotme konferenca “Diversiteti në Europë. Në këtë aktivitet morën pjesë përfaqësues të lartë të KiE-së, të 47 vendeve anëtare të KiE-së, vendeve vëzhguese, vendeve fqinje të Mesdheut, përfaqësues të trupit diplomatik të akredituar në Tiranë, si dhe autoritete të tjera te larta. Gjithashtu, në Konferencë mori pjesë si i ftuar special Jorge Sampaio, Përfaqësues i lartë i OKB për Aleancën e Qytetërimeve dhe ish-President i Portugalisë, Emma Bonino, Zv/Presidente e Senatit Italian, Sonja Licht, anëtare e Grupit të Personave të Shquar, hartues të raportit “Të jetojmë së bashku”, etj. Në përfundim të Konferencës, u zhvillua edhe ceremonia e transferimit të Kryesive të KiE-së, nga Shqipëria tek Andora. Me këtë rast, Ministri Panariti i dorësoi në mënyrë simbolike çelësin e Kryesisë së KiE-së homologut andoren”.
Por TemA online thotë që ceremonia në fjalë dështoi tërësisht për shkak të mos përgjigjes ndaj ftesave që kishte shpërndarë qeveria shqiptare. Shkruan TemA e Bazes: “Një zyrtar i Ministrisë së jashtme në Tiranë i tha gazetës Tema se protokolli i kësaj ministrie ka ftuar 19 kryetar shtetesh dhe 46 ministra të jashtëm, por në ceremoni ka qenë vetëm ministri i Jashtëm i Andorrës, vend i cili merr kryesinë e radhës. Bojkoti u pa qartë jo vetëm nga kryetarët e shteteve apo Ministrat e jashtëm, por dhe nuk erdhën as drejtuesit e lartë të KiE. Në fund kryeministri kërkoi që të vinin vëzhgues nga Këshilli i Evropës për zgjedhjet e ardhshme, duke premtuar se ato do jenë në përputhje me standardet...”
Vetë Këshilli i Ministrave, nuk flet për ndonjë ceremoni por për një “takim të Berishës me Ministrin e jashtëm të Andorrës, zotin Gilbert Saboya Sunye”. “Kryeministri Berisha priti sot në një takim Pasi i uroi përzemërsisht mirëseardhjen, kryeministri Berisha e uroi atë për sukses të plotë në kryesimin nga ana e Andorës, të Presidencës së radhës së Këshillit e Evropës, e cila do të marrë këtë kryesi pas Shqipërisë. Ministri i jashtëm Sunye e falënderoi kryeministrin Berisha për pritjen e ngrohtë dhe shprehu vlerësimet më të larta të vendit të tij, Andorrës, për kryesimin në mënyrë të shkëlqyeshme e të suksesshme nga ana e Shqipërisë”, etj – thotë KM. (A.N.)
Raporti në BalkanWeb:
http://www.balkanweb.com/kryesore/1/zgjedhjet-berisha-kie-te...
Artikulli i TemA:
http://www.gazetatema.net/web/2012/11/09/deshton-ceremonia-e...
Njoftimi në KM:
http://www.km.gov.al/?fq=brenda&m=neës&lid=17301
Comments
Kete monstren tone nuk e
<p> Kete monstren tone nuk e do kurrkush jo vetem ne Europe,bile ne kete te fundit e duan vetem disa qeveritare te disa shteteve me probleme si tonat ne drejtim e qeverisje.Gjen shesh e ben pershesh me kete opozite te percare nga delfine te tipit Nanaqi,Karstriot Islamaj,apo CArben Malaj.</p>
Add new comment