Celibashi i bashkohet PS, pasi kishte refuzuar ftesën disa herë (?!)

Edi Rama ka prezantuar një tjetër personazh publik, Ish-kryetarin e KQZ-së në vitet 2001-2006, Ilirian Celibashin, si “përforcimin e fundit të skuadrës së Rilindjes kombëtare”, raporton Shqip.

Gjëja që bie në sy, është se PS i ka bërë ftesë jo një herë, por disa herë Celibashit që t’u bashkohet. E thotë vetë ai: “...ftesa nga PS më kishte ardhur edhe më parë, por vendosa të pranoj këtë herë pasi jam plotësisht i bindur se kjo parti ofron platformën e vetme të vërtetë dhe është zgjedhja e vetme e duhur për të paktën katër vitet e ardhshme.” A thua më parë nuk e ofronte?

Vendi i tij në listën për deputet duhet të jetë i sigurt, përderisa Rama e konsideroi si “një vlerë të shtuar të Kuvendit të ardhsëm”. Ai u shpreh se: “ “kjo qeveri e ka humbur luftën me korrupsionin dhe ne, së bashku me zotin Celibashi, do të bëjmë të mundur që t’i vijë fundi pandershmërisë, për një rimëkëmbje të gjithëanshme të shoqërisë shqiptare.”

k.c.