Bumçi ua mbledh ndërkombëtarëve: Ndërhyni në Siri, boll më

Ndoshta ka vënë në siklet aleatët perëndimorë dhe gjeneralët e mbledhur në Aman të Jordanisë, deklarata e beftë dhe ndër të rrallat në post, e Ministrit të Jashtëm, Aldo Bumçi. Në lidhje me zhvillimet e fundit në Siri, Bumçi kërkon reagimin e menjëhershëm të ndërkombëtarëve, pas dyshimeve për përdorimin e armëve kimike. “Ministria e Punëve të Jashtme të Republikës së Shqipërisë ndjek me shqetësim përkeqësimin e situatës në Siri, veçanërisht pas ngjarjeve të ditëve të fundit, ku raportohet të jenë përdorur lëndë helmuese luftarake kundër popullsisë civile në kryeqytetin e vendit, Damask. Ministria e Punëve të Jashtme dënon me forcë përdorimin e lëndëve helmuese luftarake kundër popullsisë civile dhe i bashkohet komunitetit ndërkombëtar që kërkon një veprim të menjëhershëm dhe të vendosur ndaj këtij akti të paprecedent dhe gjetjen e autorëve që kanë urdhëruar dhe realizuar veprime të tilla barbare, të cilësuara si krime kundër njerëzimit”, thotë deklarata e Ministrisë së Jashtme.

a.k