Braçe për Fullanin: "Nëse do isha dëgjuar në atë kohë, nuk do të kishim ardhur në këtë gjendje"

Kryetari i Komisionit parlamentar të Ekonomisë, Erjon Braçe, deklaroi se personalisht mbështet largimin e guvernatorit Fullani nga drejtimi i Bankës së Shqipërisë.
“Qëndrimi im është i ditur prej 4 apo 5 vitesh dhe, në rast se do isha dëgjuar në atë kohë, nuk do të kishim ardhur në këtë gjendje. Po ju them që zinxhiri kontrollues i bankës nuk ka funksionuar, ka dështuar totalisht”, u shpreh Braçe.
Deputeti i PS-së ka shprehu rezerva për Fullanin duke nënvizuar se, “sistemet kanë funksionuar, ndërkohë që ka ceduar njeriu”.

“Kemi folur në Komision për familjaritet politik brenda Bankës së Shqipërisë, favore personale të bëra për një arsye apo një tjetër, dhe ku arsyeja themelore ka qenë rizgjedhja, te funksionarë politikë në Parlament, në qeveri dhe në nivelin më të lartë të Kuvendit të Shqipërisë”, deklaroi gjatë emisionit “Wake Up” në Top Channel, deputeti Braçe.

S.S