Bota e këtij shekulli? Do jetë e gjigandëve të vjetër SHBA-Rusi dhe e gjigandëve të rinj të uritur… Po BE?

Kur matet fuqia, Bashkimi Evropian e ka vendin bashkë me SHBA-në dhe Kinën në Tri të Mëdhatë globale. Megjithatë, po t’ia thuash këtë zyrtarëve në Pekin, Uashington ose në ndonjë kryeqytet tjetër botëror, do të qeshin me zë. Kjo superfuqi potenciale shihet gjerësisht si një njeri i sëmurë i botës së zhvilluar”.  – Kështu e nis artikullin në “New York Times”, historiani dhe komentatori britanik, Timoti Garton Ash, në të cilin ngre pyetjen nëse Evropa mund t’i mbijetojë rritjes së pjesës tjetër.

Autori analizon forcat që nxitën unifikimin e Evropës 60 vjet më parë, dhe thotë se 5 shtytësit më të mëdhenj të unifikimit evropian tashmë ose janë zhdukur, ose kanë humbur energjinë e tyre:

E para dhe kryesorja, ka qenë kujtesa personale e luftës, dhe mantra “kurrë më” (sot, brezi i luftës po vdes, kujtesa e të rinjve është e dobët)… E dyta, kërcënimi sovjetik ka qenë një nxitës i fuqishëm për evropianët perëndimorë që të bashkohen gjatë luftës së ftohtë. (sot nuk egziston më si rrethanë)… E treta, deri në vitet ‘90, makina e integrimit evropian ka qenë Republika Federale e Gjermanisë me Francën si timon drejtues. (sot është arritur ky qëllim, idealizmi po venitet dhe Gjermania, nuk do të marrë librin e çeçeve kurdo që Evropa ka nevojë)…. E katërta, kombet dikur të pushtuara të Evropës Lindore nuk janë më të pasionuara pas Bashkimit Evropian, (këtu ndoshta duhet shtuar: veç Shqipërisë…) E fundit, perceptimi se “Evropa” nënkupton rritje të standardeve të jetesës dhe të sigurisë sociale është prekur rëndë nga borxhi i akumuluar, plakja e popullatës, dhe kriza e eurozonës.

Shkruan historiani britanik: Bota e shekullit XXI do të jetë e gjigantëve: e të vjetërve si SHBA-ja dhe Rusia dhe e të rinjve të uritur si Kina, India, Brazili e Afrika Jugore”. Në botën e gjigantëve, shkruan autori, është më mirë të jesh edhe ti gjigant…- A.N.

Më shumë:

http://www.nytimes.com/2012/09/02/opinion/sunday/can-europe-...