Blushi bëhet i gjallë e sulmon Imamin, por shtypi e injoron

Socialistët kanë kohë që duan të ushtrojnë një kontroll parlamentar në ministrinë e mbrojtjes, dhe kryeministri e ‘ka përmbushur’ këtë kërkesë të opozitës në një mënyrë origjinale: urdhëron deputetët e vet që, në emër të transparencës, ta thërresin ministrin në komisionin parlamentar të sigurisë kombëtare. “Teatër”, e ka quajtur këtë Ben Blushi, që kohët e fundit është bërë i gjallë më shumë si njeri i letrave se sa si njeri i politikës.

“A do t’i jepni mundësi opozitës të kontrollojë veprimtarinë e ministrisë së mbrojtjes? Në rast se ministri i mbrojtjes vjen në këtë komision parlamentar sa herë që doni ju, atëherë kemi të bëjmë me një teatër, ku ju jeni figurantët, ne spektatorët, dhe ministri Imami aktori i vetëm”, tha Blushi dje, duke ju drejtuar anëtarëve demokratë të komisionit të sigurisë.

Duke qenë se flet kaq rrallë, pritej që Blushi të kish vëmendjen e mass-media-s. Por e vetmja gazetë që ka raportuar mbi këtë ndërhyrje të tij ka qenë Panorama. Madje, kjo e fundit e ka vendosur këtë lajm nw njw qoshe gati tw padukshme, në fund të faqes 7, e cila i dedikohej e tëra veprimtarisë së ministrisë së mbrojtjes.

Re.Pu.