Biberaj: Obama, Ryan, Berisha ….

Në një shkrim të tijin për Mapon me titull ‘Sali Berisha Vs. Ben Blushi Bamir Topi Vs. Pandeli Majko’, Aleksandër Biberaj e fillon me qibrën dhe skrupujt e politikanëve amerikanë në komunikimin mes tyre, për të dalë më poshtë tek situata shqiptare, sidomos tek “rekordmeni i sharjeve, kryeministri aktual, i cili ka 22 vjet që vetëm shan, fyen dhe akuzon 24 orë jo vetëm kundërshtarët politikë, por edhe të vetët, edhe ata që i ka pasur bashkëpunëtorët më të afërt për vite e vite, edhe në ditët më të vështira të karrierës së tij politike”.

Dhe e dokumenton këtë që thotë: “Sali Berisha nuk ka lënë gjë pa thënë për Fatos Nanon dhe sot e ka aleat, nuk ka lënë gjë pa thënë për Ilir Metën dhe sot e ka shtyllën që e mban atë dhe qeverinë  e tij në këmbë, nuk ka lënë gjë pa thënë për Edi Ramën dhe kur ia do interesi ulet dhe bën marrëveshje me të, nuk ka lënë gjë pa thënë për Arben Imamin, Genc Rulin apo Genc Pollon dhe sot i ka që të tre në qeveri, për të vazhduar me sulmet barbare ndaj Taulant Ballës dhe shumë e shumë deputetëvë, politikanëve, intelektualëve apo qytetarëve të tjerë, dhe për të përfunduar te sulmet halucinante ndaj ish-presidentit Topi dhe kryeprokurores Ina Rama”.

Shkrimin e plotë mund ta lexoni në linkun: http://www.mapo.al/2012/08/15/sali-berisha-vs-ben-blushi-bamir-topi-vs-pandeli-majko/

Re.Pu.