Berluskoni, alla-shqiptarçe: o shpëtoj unë, o në djall Italia

 Berluskoni po aplikon një stil politike alla-shqiptarçe: është gati të çojë në greminë Italinë, për të shpëtuar veten. Qeveria italiane është një koalicion i paqëndrueshëm mes të majtës së Letta-s dhe të djathtës së udhëhequr nga Berlusconi.

Por Ish-kryeministri Berlusconi rrezikon të humbasë vendin e tij në Senat pas dënimit të dhënë nga drejtësia italiane dhe mbështetësit e tij në qeveri deklaruan se do të japin dorëheqjen nëse një gjë e tillë ndodh. Por, Letta ka treguar dhëmbët: “Nuk kam ndërmende të sorollatem dhe të jem objekt kërcënimesh gjithë kohës. Kjo qeveri ose shkon përpara në interes të vendit dhe qytetarëve ose ky koalicion përfundon këtu”, deklaroi ai sot.

Nëse Berluska nuk heq dorë, italianët do shkojnë në votime, dhe stanjacioni do vazhdojë. Dhe, në fakt nuk ka hequr dorë. Para pak, 5 ministra të tij kanë deklaruar daljen nga qeveria. 

k.c.