Berisha u flet të rinjve europianë për... Ramë obsesivin, birin, atin, etj

“Ne zgjodhëm një gjykatës me reputacion të shkëlqyer në Shqipëri. E refuzoi sepse tha nuk ma thatë paraprakisht. Ne donim t'ia thonim,por ai nuk e pranon. Herën tjetër shkuam me 4 emra, vetë nuk propozonte asnjë. Në jetën time nuk kam bërë përgjegjës të birin për të atin, por ky solli në krye të PS të gjithë bijtë e kupolës..." etj, etj - Cili i ka thënë këto fjalë? Merret vesh edhe pa ia shkruar emrin. I njëjti që të vjen në mend kur lexon Fromin.

Po ata që po dëgjojnë çfarë përbindëshi është Edvin Kristaq Rama cilët janë? Janë një grup të rinjsh që quhen “të rinjtë europianë”. Kanë patur nevojë për Berishën dhe këshillat e tij mbi... Europën. Ose të paktën kështu thonë mediat, sipas të cilave, "të rinjtë europianë" janë takuar sot me Berishën. Sipas raportimeve kanë ndenjur 1 orë bashkë, nën sehirllëkun e kamerave televizive që nuk kanë me çfarë të merren të shtunave dhe kanë folur për...Ramën. Një pyetje për “të rinjtë europianë”: Vërtet mendoni se Berisha është personi i duhur për të ndarë mendime mbi Europën? (A.N)