Berisha shpjegon “skenarin Meta”: “Deshi të vrasë dy deputetë, të fajësojë opozitën dhe zhysë vendin në një konflikt civil të përmasave të paparashikuara”. “Arsyet e Metës”, enigmë

Ish-kryeministri i vendit, Sali Berisha, ka ripërsëritur nga profili i vet në “Facebook” thirrjen për pjesëmarrje në protestë, duke dhënë si arsye kërkesën për siguri të qytetarëve. Përtej këtij motivi normal dhe objekitv, Berisha ka përcjellë edhe një arsyetim mbi atë që mund të quhet “skenari Meta” me vrasjen hipotetik të Tom Doshit. Berisha thotë se Ilir Meta, donte të destabilizonte vendin dhe ta zhyste atë në konflikt civil, diçka e pakuptueshme sa kohë që Meta është në pozita shumë të forta këto kohë. “Neser nje 20 shkurt i ri! Qytetaret drejt fitores! Te dashur miq, protesta jone me 12 mars eshte proteste, si asnje here me pare ne histori, per jeten dhe sigurine tone dhe te femijeve tane. Kjo eshte proteste kunder klikes ne pushtet, te akuzuar me ze dhe me figure nga deputeti Doshi dhe doresi Bami, qe me skenarin e vet ogurzi Ilir Meta deshi te vrasi dy deputete ,te fajesoje opoziten dhe zhyse vendin ne nje konflikt civil te permasave te paparashikuara dhe pasojave katastrofale per jeten e qytetareve shqiptare…”, shkruan ndër të tjera, ish-kryeministri. Mbetet enigmë se përse Ilir Meta do të kishte interes të destabilizonte vendin.

s.z