Berisha po bën llogaritë për një koalicion parazgjedhor pa LSI-në
Gazeta MAPO, e cila njihet për pasjen e burimeve të mirëinformuara brenda mazhorancës, raporton sot se Berisha ka filluar negociata intensive me partitë e djathta tradicionale për një koalicion parazgjedhor që mund të mos përfshijë LSI-në. Deri më sot, raporton MAPO, bisedimet kanë përfshirë partitë PR, PDIU, PDK e LZHK, porse me asnjërën prej tyre negociatat nuk kanë përfunduar. E veçantë në këtë lajm është përfshirja në negociata e LZHK-së, e cila nuk është aktualisht pjesë e koalicionit qeverisës. Elektorati i saj ka qenë relativisht stabël nga zgjedhja në zgjedhje, pavarësisht se nuk ka qenë pjesë e qeverisjes.
MAPO raporton se me kryetarin e LZHK-së, Dashamir Shehi, bisedimet kanë filluar, por mbetet pikëpyetja (kryesisht nga PD-ja) nëse do të ishte më mirë që kjo forcë politike të mos përfshihej në koalicion me qëllim dëmtimin elektoral të Frymës së Re Demokratike të Topit, meqenëse shtyllat e programit dhe elektorati bazik i dy partive është pothuaj i njëjtë.
E.Zaloshnja
Artikulli i plotë i MAPO-s: http://www.mapo.al/2012/10/08/zgjedhjet-berisha-negociata-me-aleatet-per-koalicionin-e-2013/
FOTO-ARKIV: Kryetari i PD Sali Berisha dhe ai i LSI Ilir Meta pas nënshkrimit të marrëveshjes së koalicionit mes dy partive, për formimin e qeverisë së re në 2 shtator 2009, marrëveshje sipas të cilës LSI mori postin e zv/kryeministrit, tre ministrive dhe nënkryetarin e Kuvendit. LSA
Comments
Që të dy që janë kë të zëshë
<p>Që të dy që janë kë të zëshë dhe kë të lëshë por më mirë që mos të bëjnë marëveshjen dhe do zoti të zhduket ky kokë madhi i Skraparit dhe më vonë doktori se ju sosë kandili tani ka forca të djathta që mund të mbështesin të gjithë ata që besojnë në të djathtën</p>
Add new comment