Berisha në “botën e çudirave”?

Në mbledhjen e parë të qeverisë për vitin 2013, Berisha deklaroi: “Viti që lamë pas, në 10 muajt e parë,  rezulton të ketë pasur rritje të xhiros së përgjithshme të sipërmarrjes së vendit, 101 miliardë lekë. Të gjithë ata që deklarojnë se është ulur fuqia blerëse gabojnë. Ka rritje solide të xhiros së përgjithshme të sipërmarrjes së vendit. Rritje që përjashton identë e rënies së fuqisë blerëse.”

Për cilin vend e ka fjalën Berisha, për Shqipërinë?  Sipas INSTAT-it dhe Bankës së Shqipërisë, ka patur një rënie të konsumit dhe investimeve në 9 muajt e parë të vitit 2012, krahasuar me të njëjtën periudhë të vitit 2011.

Mos janë gabim këto institucione? Apo mos i ka vënë nën kontroll të fshehtë opozita dhe ato i errësojnë me dashakeqësi arritjet e ekonomisë tonë?  Apo mos Berisha, si Liza, jeton në “botën e çudirave?

E.Zaloshnja