Ben Blushi: shqiptari i sotëm, i pakënaqur...

I pyetur nga Adi Krasta në “A Show” tek Vizion Plus nëse e ka përcaktuar identikitin e shqiptarit të sotëm, Ben Blushi përgjigjet:

“Shqiptari i sotëm është njeri i pakënaqur. I pakënaqur me historinë e vet, me shtetin e vet, me cilësinë e jetës që ka, me fqinjët e vet. Pra, një njeri i cili ka shumë pasiguri e shumë paqartësi sepse jo vetëm historia e vjetër, por edhe kjo e reja, 20 vitet e fundit po themi, i ka krijuar shumë dyshime. Sigurisht që shqiptari nuk diskuton më ekzistencën, këtë e ka fshirë dhe kjo është një arsye për të festuar. Por gjithë dyshimet e tjera që lidhen me cilësinë e jetës, demokracionë, mirëqenien në përgjithësi, këto dyshime i ka shumë të mëdhaja sot, dhe kjo e bën atë inferior. Kjo është arsyeja që është i pakënaqur dhe pyetja për të gjithë shqiptarët, a mund të bënim më shumë në 100 vjet? Sigurisht që mund të bënim më shumë, jo gjithmonë duhet të gjejmë pretekstin tek ‘s’na lënë’, pyetja është pse nuk na lanë, sepse nuk rezistonim dot siç duhej për fat të keq.”

Ja.Se.