Basha në “Opinion”: “Nuk përjashtohet rikandidimi im në Tiranë”

Kryetari i Partisë Demokratike, Lulzim Basha ka qenë sot i ftuar në emisionin “Opinion” në Tv Klan. Diskutimi kryesor ka qenë kauza e re e opozitës, trafiku i drogës, kërkesa për dorëheqje ndaj kryeministrit, protesta dhe greva. Ndërkohë Basha është pyetur edhe për projektet për Tiranën, për të cilat ka premtuar shumë kur kandidonte në vitin 2011. Sipas tij, projektet janë gati, por është qeveria ajo që i bllokon. Dhe te ky bllokim ai ka nënvizuar ndoshta një lojë politike preventive të Edi Ramës ndaj një rikandidimi të mundshëm të Lulzim Bashës në Tiranë. Rikandidim të cilin siç u shpreh ai “në këtë moment nuk e përjashtoj, por që do të merret në momentin e duhur”.

s.z