Basha mesazh për Ramën: Votimet vijnë sërish

Në rrugën “Pasho Hysa” të Tiranës ku ka nisur rikonstruksioni, Kryetari i Bashkisë, Lulzim Basha Basha shprehu vendosmërinë e tij për t’i shërbyer qytetit dhe qytetarëve dhe për të përmirësuar sa më shumë jetën e tyre, pavarësisht bllokimit që sipas tij, qeveria i bën çdo ditë në punën e saj. Nga rruga Pasho Hysa,  kryebashkiaku ka përcjellë edhe një mesazh për qeverinë. “Që të ngjitesh është e vështirë. Të zbresësh është kollaj. Le ta mbajnë mend këtë, para se të vijë hera tjetër për votimet!” - theksoi Basha. Bashkia bëri me dije se me një investim prej 66.7 milionë lekë, ka përfunduar ndërtimi i rrugës “Pasho Hysa”, me gjatësi 1208 metra linearë. Në këtë zonë nuk ishte investuar asnjëherë më parë.

L.V