Basha deklaron: PD nuk e njeh ndarjen e re territoriale, është tortë elektorale Rama-Meta. Do protestojmë

Pas dhënies së verdiktit nga Kushtetuesja në favor të ligjit të qeverisë për ndarjen e re territoriale,

kryetari i PD-së, Lulzim Basha deklaroi se forca që ai drejton nuk do ta pranojë vendimin. Basha e cilëson atë si ndarjen e tortës elektorale të pazareve të pista Rama-Meta. “U ndërtua në kundërshtim me kriteret e rekomanduara nga institucionet vendase dhe të huaja për një qëllim të vetëm. Nuk është hartë, por është tortë e ndarjes elektorale të Shqipërisë. PD nuk e pranon dhe nuk do ta pranojë kurrë këtë hartë të turpshme të pazareve të pista Rama Meta dhe të thërrimeve për këdo tjetër që u ul në këtë sofër”, u shpreh Basha. Sipas tij, 70 mijë firma janë dorëzuar për referendume lokale që përfaqësojnë qindra mijëra qytetarë shqiptarë për të cilët kjo hartë është e papranueshme, dhe PD do të jetë në krah të tyre.

PD i bojkotoi që në fillim tryezat dhe diskutimet për ndarjen e re, megjithë ftesat e njëpasnjëshme të mazhorancës.

a.k