Balili reagon ndaj Ristanit: Më ofroi para kesh për të blerë vota më 22 qershor

Akuza e deputetit të PD-së Arben Ristani ndaj Klement Balilit, drejtor rajonal i transportit rrugor në Sarandë, se ka qenë i dënuar, kanë marrë përgjigje në një intervistë për gazetën Dita, nga vetë Balili. Sigurisht, reagimi më interesant nga kjo intervistë është akuza e Balilit (që mohon kategorikisht të ketë kartelë penale të ndotur) ndaj Ristanit: Si kandidat për deputet në zonë, Ristani i paskësh ofruar Balilit para në dorë për të blerë vota në favor të PD-së. “Na ofroi 10 mijë euro vetëm për 200 vota në Kalasë. Dua një mijë karta identiteti që të votojnë për PD-në në Delvinë, Stjar, Bajkaj e fshatra të tjera të zonës së Rrëzomës. Po më siguruat 1000 vota hapni gojën se sa para doni dhe unë do t’ua jap në vend. Ja ky është Ristani. Me sa duket, Ristanit i ka ngelur kunjë që ne nuk u bëmë ortakë me të në një pazar të fëlliqur politik dhe moral, ndaj dhe hidhet e sulmon duke bërë akuza të rreme për të mashtruar opinionin”, thotë Balili.

Për më shumë, në linkun: http://gazetadita.al/ristani-rama-u-ka-dorezuar-trafikanteve-zyrat-e-shtetit/

a.k