Artan Didi: “Droga në Lazarat, prova kryesore që akuzon kreun e komunës”

Përfundimi i fazës kryesore policore në Lazarat e ka kaluar vëmendjen te drejtësia dhe plotësimi i dosjeve hetimore. Sot kreu i Policisë së Shtetit, Artan Didi, ka folur për këtë çështje, duke nënvizuar madje se edhe për vetë kryekomunarin, Dasho Aliko, prova më e madhe kundër tij është situata e Lazaratit, ku u gjet drogë dhe armë dhe ku u bë rezistencë e armatosur. “Për të vendosur për masën e sigurisë kompetenca kalon tek prokuroria e më pas ia kërkon gjykatës. Ne përderisa kemi bërë procedim penal kemi prova, personi në fjalë duhet të përgjigjet. Prova e gjallë është Lazarati, gjetëm armë e kanabis”, tha ai, duke shtuar se janë identifikuar edhe policët që dekonspiruan operacionin.

http://www.balkanweb.com/kryesore/1/didi-ne-kerkim-te-grupit-te-zjarrit-...

s.z