Arma më e fundit e shkatërrimit në masë: të zotërosh motin!

Në një artikull për Global Research, Prof Michel Chossudovsky, ngre problemin se qeveria amerikane tashmë ka zhvilluar një teknologji që manipulon motin për ta përdorur si armë.

Teknikat e modifikimit për përdorim ushtarak përbëjnë, në kontekstin aktual të luftës globale, armën më të fundit të shkatërrimit në masë.

Edhe pse rrallë përmendet në debatin mbi ndryshimin e klimës globale, moti në botë tani mund të modifikohet si pjesë e një brezi të ri të armëve elektromagnetike të sofistikuara. Si SHBA dhe Rusia kanë zhvilluar aftësitë për të manipuluar klimën për përdorim ushtarak.

Teknikat e modifikimit mjedisore janë aplikuar nga ushtria amerikane për më shumë se gjysmë shekulli. Matematikani amerikan John von Neumann, në bashkëpunim me Departamentin amerikan të Mbrojtjes, filloi kërkimet e tij për modifikimin e motit që në fund të 1940, në kulmin e Luftës së Ftohtë dhe parashikoi 'format e luftës klimatike si mjet ende i paimagjinueshëm". Gjatë luftës së Vietnamit u përdorën teknikat “mbjellëse të reve”, duke filluar me projektin Popeye në vitin 1967, objektivi i të cilit ishte që të zgjaste sezonin e musonëve për të bllokuar rrugët e furnizimit të armikut përgjatë Ho Chi Minh.

Ushtria amerikane ka zhvilluar mjete të avancuara që e mundësojnë atë për të ndryshuar motin në mënyrë selektive. Teknologjia, e cila është duke u perfeksionuar nën programin Studimor të Frekuencave Të Larta (HAARP), është një shtojcë e Nismës së Mbrojtjes Strategjike - 'Star Wars'. Nga pikëpamja ushtarake, HAARP është një armë e shkatërrimit në masë, që vepron mbi atmosferën e jashtme dhe e aftë për të destabilizuar sistemet bujqësore dhe ekologjike në mbarë botën.

Modifikimi i motit, sipas dokumentit të US Air Force, FA Final Report 2025, "Ofron një me opsione të gjera për të mposhtur apo të detyruar një kundërshtar, duke shkaktuar përmbytje, uragane, thatësira dhe tërmete. Modifikimi i Motit do të bëhet pjesë e sigurisë vendore dhe ndërkombëtare dhe mund të bëhet në mënyrë të njëanshme ... Ajo mund të ketë aplikime sulmuese dhe mbrojtëse dhe madje edhe të përdoret për qëllime parandalimi. Aftësia për të gjeneruar mjegull, reshje dhe stuhi në tokë, ose për të modifikuar motin në hapësirë ​​... si dhe prodhimi i motit artificial të gjithë janë pjesë e teknologjive të reja të integruara ushtarake."

Në vitin 1977, u ratifikua nga Asambleja e Përgjithshme e OKB-së, një Konventë ndërkombëtare e cila ndalon përdorimin ushtarak të teknikave për modifikimin e mjedisit, (...) nëpërmjet manipulimit të qëllimshëm të proceseve natyrore. Duke rindërtuar apo modeluar strukturën e tokës, duke përfshirë vet biotën, litosferën hidrosferën dhe atmosferën, ose dhe hapësirën ​​kozmike".

Kohë më parë, gazetari Benjamin Fulford pati akuzuar se cunami në Fukushima ishte shkaktuar qëllimisht nga një fuqi armike me Japoninë.

k. cukali