Arbën Xhaferri është në gjendje të rëndë shëndetësore

Pak pas mesditës së sotme, një numër sitesh e agjencish të informacionit në botën shqiptare kanë dhënë lajmin se Arbën Xhaferri, prej kohësh i sëmurë me Parkinson, është gjetur në banesën e e vet në gjendje kome. Është gjetur sot në orët e para të mëngjesit (nuk jepen detaje të tjera) në banesën e vet në Tetovë, dhe prej andej e kanë çuar në spitalin klinik të Shkupit. Sipas balkaneeb-it, “lajmi është konfirmuar për televizionin Nees 24 nga zëdhënësi i Partisë Demokratike Shqiptare në Shkup Agon Ferati, i cili ka theksuar se Xhaferi ndodhet në gjendje të rëndë pas një goditje cerebrale”.

Sëmundja e parkinsonit, nga e cila vuan prej vitesh, është bërë shkak që ai t’i ikë politikës në terren, por kjo nuk e ka penguar të bëjë një jetë aktive në fushën e shkëmbimit të ideve; ai është shumë i pranishëm me shkrime e sprova në debatet mediatike mbi çështje të kulturës apo të politikës.

Re.Pu.