"Anija e ëmbël" me shqiptarë vlerësohet me çmim në Festivalin e Venecias 2012
Filmi “La Nave Dolce” i Daniele Vicari-t fitoi sonte në Festivalin e 69-ë të Filmit në Venecia çmimin “Francesco Pasinetti” 2012. “Anija e ëmbël” ishte paraqitur jashtë konkursit dhe është hera e parë që Sindikata e Gazetarëve të Kinemasë vlerëson vepra jo në konkurrim. Falë xhirimeve të epokës dhe dëshmive të dorës së parë, dokumentari i Vicari-t riviziton eksodin biblik të gushtit 1991, kur 20 mijë shqiptarë morën një anije që transportonte 10 ton sheqer (që këtej edhe titulli) dhe zbarkuan në Bari. Pjesa më e madhe e pasagjerëve u riatdhesuan nga autoritetet italiane, por disa mundën të qëndronin e madje u bënë të njohur. Njëri prej tyre ishte Kledi Kadiu.
Filmi është prodhim italo-shqiptar. Sonte juria e Festivalit, e kryesuar nga regjizori, skenaristi dhe producenti amerikan Michael Mann, dha çmimet tradicionale të Festivalit. Luanin e Artë për filmin më të mirë e mori “Mëshira” i Kim Ki-duk-ut, Luanin e Argjendtë për regjinë më të mirë Paul Thomas Anderson për “The Master”, ndërsa Çmimi Special i Jurisë iu dha filmit “Paradise: Faith” i Ulrich Seidl.
Më shumë:
http://www.peshkupauje.com/2012/09/anija-e-embel-me-shqiptar...
Comments
Ky eshte nje film i
<p>Ky eshte nje film i mrekullueshem dhe i jashtezakonshem dhe nje merite te vecante ka edhe Ilir Butka dhe Genc Permeti. Premiera e tij ne Tirane ne TIFF 2012 do te jete nje emocion i jashtezakonshem. Bravo Butka dhe Permeti!</p>
Add new comment