Ambasada e SHBA-së përshëndet qeverinë Rama edhe për faktin se shumica e ministrave janë me përvojë profesionale dhe shkollim amerikan

Në Shqipëri, ambasada e Shteteve të Bashkuara përshëndeti sot përbërjen e kabinetit të ri qeveritar të prezantuar dy ditë më parë nga kryeministri i ardhshëm Edi Rama. Në një deklaratë të shpërndarë pasdite ambasada amerikane vlerëson përfaqësimin në një numër të lartë të grave, gjashtë të tilla, në kabinetin e ri dhe caktimin e tyre të propozuar në dikastere kyçe.

Përfaqësia diplomatike amerikane në Tiranë shtoi gjithashtu se pret me kënaqësi të punojë me Këshillin e Ministrave të ardhshëm, shumë prej të cilëve kanë pasur përvoja profesionale dhe arsimore në Shtetet e Bashkuara, në zbatimin e axhendës së tyre të reformave për të arritur synimet e Shqipërisë për integrim më të madh euro-atlantik&rdquo, shkruhet në deklaratë, ndërsa nënvizohet gjithashtu se ajo pret me kënaqësi vazhdimin e bashkëpunimit të ngushtë me të gjitha partitë e përfaqësuara në parlamentin e Shqipërisë.

Zh.