Albin Kurti: Çdo regjim ndihet ligsht pa propagandistët e vet

Shkrimin e vet me titull ‘Linjat shoqëruese të regjimit’, të publikuar në Zërin e Prishtinës, Albin Kurti e nis me një denoncim të fortë në adresë të atyre që i janë bërë krah pushtetit të atjeshëm me zërin e vullnetin e tyre publik: “Asnjë regjim nuk rri në fuqi vetëm me forcën e armës dhe të parasë. Secili regjim në çdo kohë e në çdo vend mbahet në pushtet duke u mbështetur edhe në një narrativë të caktuar, në një shpjegim a përshkrim ngjarjesh, procesesh e njerëzish. Njëkohësisht, regjimi vetëm sa nis me qeveritarët dhe aparatin shtetëror duke qenë se shtrihet në shoqëri shumë më thellë se kaq. Propaganda e analistëve të regjimit dhe agjitacioni i agjentëve të tij paraqesin altoparlantët e regjimit që orvaten t'i formësojnë opinionet e publikut drejt bindjes së tyre se ajo që është reale është edhe racionale. Pa këta analistë dhe agjentë, regjimi edhe do të dukej edhe do të ndjehej i vetmuar. Ata paraqesin shoqëruesit e regjimit - ata e shoqërojnë regjimin sipas nevojave që mund t'i shfaqen regjimit. Regjimi ngjan gjithmonë më mirë dhe më normal me shoqërues.”

Nuk marrim përsipër të njohim, apo të marrim në mbrojtje, motivimet e Kurtit, teksa bën këtë denoncim (ai është leader i një partie të opozitës), por dukuria që denoncohet është një nga më të shëmtuarat në botën shqiptare. Ky është një problem i madh dhe për Tiranën. Nëse doni ta lexoni të plotë shkrimin e Kurtit, ndiqni linkun: http://www.zeri.info/artikulli/3/20/55815/linjat-e-shoqeruesve-te-regjimit/

Re.Pu.