A.Imami: PD-ja do të kundërshtojë fort nëse anulohet vendimi për SHQUP-in

Arbem Imami jep sinjalin e parë të një përplasje të fortë mes mazhorancës së re dhe Partisë Demokratike në opozitë. I ftuar në emsionin “DEBATI NE CHANNEL ONE” të gazetarit Roland Qafoku, Ministri i Mbrojtjes deklaroi se, nëse PS do të rikthente vendimin për SHQUP-in, atëherë PD do të qendrojë fort. Dhe “fort”, sipas Imamit, “do të thotë rezistencë e detyruar nga revanshi i Partisë Socialiste”. Imami shpjegoi procedurat se si kjo godinë dhe ambjentet e saj ia kaluan Partisë Demokratike duke e larguar veten nga vendimmarrja. Për herë të parë publiksiht Imami shpjegoi edhe për firmën e munguar të shefit të Shtabit Xhemalo Gjunkshi që sipas tij është e drejta e gjeneralit të kishte mendim kundër me atë të tijin. Në këtë mënyrë për herë të parë një zë nga Partia Demokratike vjen për atë që pyetet më shumë tashmë sesi do të jetë opozita e nesërme e PD. Deklarata e Imamit lë të kuptohet se në rast të një ndryshimi të vendimit për kalimin e SHQUP në seli të PD, rezistenca e PD mund të sjellë një konflikt të fortë dhe një situatë destabilizuese në vend. Imami zbuloi edhe atë që ai e quan “ushtaraku që e ka spinuar te Rama gjatë këtyre viteve”. Ndonëse nuk përmendi emrin, duke thënë se tashmë është bërë këshilltar i Ramës, nënkuptohet që fjala është për gjeneral Sandër Lleshin.

Re.Pu.