5 vjet në NATO. Presidenti prek çështjen e Krimesë gjatë pritjes. Ambasadori rus largohet nga salla

Qëndrimi i institucioneve shqiptare reth krizës në Krime ka provokuar një situatë jo shumë të këndshme dje në pritjen e Presidentit me rastin e 5-vjetorit të anëtarësimit të Shqipërisë në NATO. Në fjalën e vet, Presidenti i Republikës Bujar Nishani nuk ka shmangur edhe çështjen e Krimesë duke nënvizuar se krahasimi që pala ruse bëri me Kosovën ishte “një përpjekje e dobët”. Siç njofton “Gazeta Shqiptare”, kaq ka mjaftuar që ambasadori rus në Shqipëri, Leonid Abramov, i pranishëm në ceremoni të lërë sallën. Duhet theksuar se në këtë pritje ndodhej edhe Jonathan Moore, drejtori për Europën Qendrore dhe Jugore në Departamentin Amerikan të Shtetit.

s.z