100 mijë dollarë për të vrarë regjisorin e filmit që tall Muhametin! Oferta vjen... nga një ministër i Pakistanit

Filmi famëkeq për Muhametin (që pak-kush e ka parë e gjithkush e dënon) ka shtyrë që një ministër pakistanez të ofrojë100.000  $ për këdo që vret personin përgjegjës për "Pafajësia e muslimanëve", film i xhiruar në Shtetet e Bashkuara e që është origjina e demonstratave të dhunshme anti-perëndimore në shumë vende islame. "Shpall se nëse dikush e vret këtë blasfemues do t’i dhuroj 100.000 $," tha Ghulam Ahmed Bilour, Ministri i Transportit e Pakistanit, i cili gjithashtu ftoi talebanët dhe al Kaedën për të marrë pjesë në këtë "veprim fisnik.", raporton Corriere Della Sera.  Trazirat e shkaktuara nga filmi (që në praktikë askush nuk e ka parë, pasi që është shfaqur vetëm një herë në një dhomë në Nju Jork), kanë, ndër të tjera, çuar në vdekje, më 11 shtator, ambasadorin amerikan në Libi Chris Stevens dhe tre prej tij bashkë-punëtorëve. Vdekje të tjera të cilat kanë ndodhur në vendet e tjera muslimane gjatë përleshjeve mes protestuesve dhe forcave të sigurisë, ndërsa të premten, më 21 shtator, në Libi, ka pasur përleshje mes protestuesve dhe pro-qeveritarëve.

Një zë i qetë por që askush nuk e dëgjon vjen nga Hollanda. “Muslimanët nuk duhet ta marrin filmin tashmë famëkeq “Pafajësia e muslimanëve” shumë seriozisht”, thotë kryetari i bashkisë së Rotterdamit, Ahmed Aboutaleb për RTV Rijnmond. Aboutaleb tha se demonstratat vlejnë për aq kohë sa nuk dalin dore. “Muslimanët duhet të ruajnë ndjenjën e masës," tha ai. Kryetari i bashkisë, mysliman nga besimi, nuk aprovoi heqjen e filmit nga Youtube. “Ata që janë acaruar mund të bëjnë filmin e vet si kundërpërgjigje në YouTube".

Ne.Su.