10-100 mijë euro..."Ata na thonë se ua kanë dhuruar, por dhuruesit nuk na thonë nga dolën këto dhurata"

Kryeinspektori i Kontrollit të Pasurive në Shqipëri, Adriatik Llalla, i cili e ka rritur kohët e fundit prezencën publike, i ka dhënë një intervistë Zërit të Amerikës ku flet mes të tjerash edhe për dhuratat që marin zyrtarët shqiptarë. Pyetjes së gazetarit: - "Cilat janë dhuratat më paradoksale dhe më të mëdha që u janë bërë zyrtarëve shqiptarë dhe ku bazohen" - kreu i ILDKP-së, i cili sapo ka marë në dorëzim 4700 deklarata të firmosura (nga krerët e shtetit deri te drejtori i fundit që ligji e detyron të dëshmojë pasurinë) – i përgjigjet:

"….Në vlerësimin tonë, në mjaft raste kjo (dhurata) është mënyra e ndjekur nga mjaft zyrtarë për të fshehur pasurinë e krijuar në mënyrë jo të ligjshme. Këto dhurata janë shuma të mëdha të hollash, objekte, zyra, shtëpi banimi, toka etj. këta zyrtarë deklarojnë se marrin dhuarata, huamarrje në forma të ndryshme nga lidhjet e tyre familjare dhe shoqërore, të cilat shërbejnë si një mënyrë për të fshehur në mjaft raste pasurinë e krijuar në mënyrë jo të ligjshme. Ata i deklarojnë këto dhurata, por dhuruesit e tyre nuk deklarojnë pranë nesh arsyet e këtyre dhurimeve në shuma të mëdha dhe burimin e krijimit të këtyre pasurive që i dhurojnë. Janë shuma që fillojnë nga 10 mijë euro dhe kalojnë deri në 100 mijë euro…."

A.N.

Intervista e plotë:

http://www.zeriamerikes.com/content/adriatik-llalla-korrupsi...