“Vala” e krimit në familje dhe ca lemerira që harrohen kaq shpejt…

Sa herë kronika e krimit në familje pasurohet tragjikisht me disa ngjarje njëra pas tjetrës, themi se “ka plasur një valë”. Në fakt, ky lloj krimi është gjithnjë mes nesh, herë i paralajmëruar e herë i injoruar, por tek-tuk i mbushim mendjen vetes se edhe në botë bëjnë vaki kësi episodesh. Ja ç’bëjnë tre burra këto dy ditë: I pari në Tiranë, e bësh shoshë me thika të shoqen në mes të rrugës, dhe askush nuk guxon të afrohet. I dyti i dhuron pesë plumba (jo një, as dy) pastaj tenton pa sukses t’ja heqë dhe vetes. Por edhe më makabre është dëshmia nga Mamurrasi, që e sjell gazetarja e Temës, Lindita Çela: V.Lleshi, 17 vjeç më e re se i shoqi 44 vjeçar, M.Lleshi, nuk ka provuar as thika as plumba. Ky i fundit ja ka marrë shpirtin me dru, në kuptimin e plotë të fjalës; duke e rrahur me një shkop për minuta të tëra, teksa fëmijët ulërinin të lebetitur. Dhe kjo ishte thjesht finalja e një serie dhune fizike mbi gruan, i verbuar nga xhelozia. Çfarë njerëzish jemi, xhanëm?

A.K