“Unë nuk jam Milosheviç”

“Unë nuk jam Millosheviç, nuk jetoj për të vrarë askënd. Unë nuk jam as revolucioni, por të rinjtë po, gjeneratat e reja duhet të dalin nga kutia dhe të mendojnë pak më thellë. Letërsia është një nga mënyrat të përjetojmë diçka jashtë politikës”. Fragmenti më sipër ëhstë shkëputur nga një intervistë që shkrimtari serb Vladimir Arsenijević i ka dhënë “KultPlus”. Ai ka qenë së fundmi në Prishtinë  në Festivalin Ndërkombëtar të Letërsisë POLIP. Arsenijević i ka përfshirë në veprat e veta shqiptarët , pra si të thuash i njeh ata nga një këndvështrim joarmiqësor. Për këtë arsye fjalët e shkrimtarit serb meritojnë të dëgjohen. Një nga çështjet më delikate është sesi të ndërtohet e ardhmja me këtë të shkuar në mes. “Të jetosh në të kaluarën prodhon veç eksplodim në të ardhmen, kamuflim. Unë mendoj se duhet të bisedojmë për të kaluarën, por duhet edhe të mos bisedojmë për të kaluarën, duhet të bëjmë diçka mes të dyjave. Jeta në Ballkan është “shitty”, është një vazhdimësi normale e viteve 99-të, pa tension”, thotë ai, duke përshkruar kështu një realitet të konfliktit të ngrirë në rajon.

http://kultplus.com/?id=11&i=141

s.z