“Norman Atlantik”, vetem 3.5 milje larg Sazanit. Italianët nuk pranojnë ta ankorojnë në bregdetin shqiptar.

Anija “Norman Atlantik” po i afrohet gjithmonë e më shumë bregdetit shqiptar. Rrymat detare e kanë sjellë atë vetëm 3.5 milje larg ishullit të Sazanit, por çuditërisht pala italiane nuk pranon që trageti të rimorkiohet në portin e Vlorës.

Qeveria italiane ka kërkuar që anija të kthehet në Brindizi dhe me autoritetet shqiptare po diskutohet se çfarë rruge do të ndiqet në respekt edhe të ligjeve ndërkombëtare.

Ministrja e Mbrojtjes, Mimi Kodheli, e cila ka vizituar nga afër bazën e Pashalimanit, e pyetur së perse anija “Norman Atlantic” nuk ankorohet në brigjet shqiptare u shpreh se pala shqiptare ka qenë në gadishmëri të plotë, por qeveria italiane insiston se mund ta monitorojë më mirë situatën nëse anija do t’u drejtohej brigjeve italiane.

l.m