“Ja Ndoka, sa mirë...”

Në një njoftim për mediat, partia e Ndokës (PDK) bëri të ditur sot se “Kryesia e kësaj partie do të zyrtarizojë nesër në orën 12:00 marrëveshjen e bashkëpunimit me PD, marrëveshje kjo në bazë të cilës pritet që PDK të marrë një post zv/ministri”.

Lexohet në faqen online të televizionit Ora News:
“Partia Demokristiane i rikthehet bashkëpunimit, tradicionalisht të vjetër, me Partinë Demokratike. Ashtu si edhe kishte paralajmëruar në deklaratat e vazhdueshme, kreu i kësaj partie, Nard Ndoka, ka bërë zyrtare shkëputjen e tij nga koalicioni opozitar me Partinë Socialiste, pas mosmarrëveshjeve me liderin Edi Rama. Ndërkaq vjeshta duket se ka ardhur me risi për këtë parti...” etj.

Pyetje: Ç’ne marrëveshje për post qeveritar në fund mandati? Cila nga ministritë po heq keq për zv.ministra dhe u duhet kaq me urgjencë një tjetër? Është post publik apo licensë për... Janë pyetje pa përgjigje, nëse i lidhë me logjikën e punës që duhet të bëjnë ministrat e zv.ministrat. Por një përgjigje e kanë nëse do t’i lidhësh me... Berishën. Me Ndokën u jep një mesazh pushteti gjithë të pakënaqurve nga Rama. A ndihet Ndoka i përdorur? Me siguri ai nuk e ka këtë dilemë. Ndaj pyetja më e rëndësishme mbetet: A ndihen të tjerët të joshur? - A.N.

Më shumë rreth deklaratës së PDK:
http://www.ora news.com/v2/index.php?on=details&id=52699&nid=1&PHPSESSID=1a23c09277b773ee094fcbb666a80ff2