“GSH”: Dhëndri i Berishës hyn në politikën aktive

Jamarbër Malltezi, dhëndri i ish-kryeministrit, Sali Berisha, hyn në politikën aktive. “Gazeta Shqiptare” shkruan se ai është një nga rreth 40 koordinatorët e Partisë Demokratike që do të monitorojnë procesin e regjistrit të ri të anëtarëve demokratë për kryeqytetin si dhe do organizojnë zgjedhjet në grup seksionet.

Sipas artikullit të gazetares Valentina Madani, konkretisht Malltezi është ngarkuar si koordinator i PD-së për njësinë bashkiake Nr.8 në Tiranë. Lajmi është bërë publik dje në përfundim të mbledhjes që kryetari i PD-së, Lulzim Basha zhvilloi me strukturat e kësaj partie për Tiranën me rastin e nisjes “de jure” të procesit të anëtarësimeve për kryeqytetin. Po ashtu, gazeta ka siguruar edhe udhëzimin e ri të Bashës për anëtarësimet e reja që e ka publikuar të plotë në numrin e sotëm.

k.k