A është vrarë Lady Diana? Informacioni që mund të zbulojë të vërtetën

Kjo është pyetja që ka shtruar sot Policia e Metropolitanit kur ka marrë në konsideratë dhe ka vlerësuar një informacion lidhur me vdekjen e Princeshë Dianës, e cila humbi jetën në një aksident në 31 gusht të vitit 1997. Policia është shprehur se është duke hetuar informacionin që ka marrë kohët e fundit, por pa dhënë detaje të tjera. Informacioni që përmendet nga policia, sipas mediave britanike, lidhet me faktin se një anëtar i ushtrisë britanike mund të ketë vrarë Lady Dianën dhe të dashurin e saj Dodi Fayed.

Scotland Yard-i është shprehur se po e heton informacionin për besueshmërinë e tij. Thuhet se informacioni ka dalë nga ish vjehërrit e një ish ushtari, bazuar mbi ato çfarë ky i fundit mund t’u ketë deklaruar atyre në të kaluarën. Mediat thonë se ky informacion i është dhënë Policisë Metropolitane përmes Policisë Ushtarake Mbretërore. “Nuk po kryejmë rihetim të çështjes,” ka thënë Scotland Yard-i në një deklaratë.

Re.Pu