Çadra grevistësh sërish përpara kryeministrisë. Protestë, apo hakmarrje politike e PD-së?
Duket se të larguarit nga puna në administratën shtetërore do të hyjnë në grevë urie. Lajmin ka bërë të ditur kryetarja e Shoqatës për mbrojtjen e të larguarve nga puna, Nertila Qafzezi. Madje greva do të konsumohet si akt në një çadër përpara kryeministrisë. “Do të vendosim një çadër para Kryeministrisë. Greva e urisë do të fillojë që tani”, tha Qafzezi, cituar nga mediat. Dhe arsye jepet fakti se kërkesa e të larguarve nga puna nuk është marrë parasysh. Është e qartë se kalimi në këtë fazë të protestës është vendim i ndikuar nga Partia Demokratike, megjithëse formalisht kjo e fundit ka deklaruar se do të mbështesë çdo protestë që zhvillohet kundër vendimeve të qeverisë. Dhe siç mund të kuptohet, kjo formë imiton kryekëput grevën e urisë të organizuar nga Edi Rama dhe Partia Socialiste në kohën kur kjo ishte në opozitë. Asokohe ish-kryeministri deklaronte se greva e çadrave synonte të dëmtonte integrimin e Shqipërisë. Ndaj me të drejtë sot mund të pyetet: PD-ja po bën opozitë në funksion të një programi të ri zhvillimi, apo po i përshtatet idesë së një opozite që hakmerret për opozitën e djeshme. Aq më tepër që greva e urisë e organizuar nga Edi Rama nuk ishte ndonjë lëvizje politike për t’u përshëndetur apo edhe ndonjë gjetje e zgjuar.
Në një vështrim më konkret, nuk është çudi që ata që do të hyjnë në grevë të kenë fituar të drejtën e kthimit në punë nga gjykata dhe me këtë rast krerët e opozitës edhe njëherë të dalin e të flasin për “zbatimin e vendimeve të gjykatave”. Kërkesë që në parim është e drejtë, por që hidhet në përdorim me dy standarde. Kjo pasi, ka edhe shumë ish-nëpunës të larguar nga qeveria e PD-së që kanë fituar gjyqet, por... "u rroftë vendimi”, si i thonë një fjale.
http://www.balkanweb.com/kryesore/1/te-shkarkuarit-nga-puna-greve-urie-q...
s.z
Comments
A ka mundesi qe media te
<p>A ka mundesi qe media te investigoje prane institucioneve se cilat jane datat kur keta kane filluar pune dhe kur jane pushuar? Ke kane zevendesuar kur jane marre ne pune dhe cilat jane arsyet qe njerezit qe keta zevendesuan u pushuan?</p>
Add new comment