Ja urdhëri i ministrit të Financave për punonjësit. U kërkon të marrin kredi për të shlyer detyrimet e energjisë. Nuk shpjegon bazën ligjore të vendimit.

ResPublica ka siguruar urdhërin që Ministri i Financave, Shkëlqim Cani  ka nxjerrë për verifikimin e librezave të energjisë për punonësit e ministrisë dhe institucioneve në varësi, me paralajmërimin për masa ndëshkimore ndaj atyre që kanë detyrime të prapambetura si dhe kërkesën për mbajtjen e parave nga paga.

“Njësia e Financës dhe Burimeve Njerëzore në Ministri apo institucionet e varësisë brenda 30 ditëve nga nënshkrimi I këtij urdhëri do të bashkëpunojë me furnizuesin e energjisë elektrike për të verifikuar përputhjen e të dhënave të deklaruara nga punonjësit përsa I përket numrit të kontratës dhe gjendjes së detyrimit”

Urdhri parashikon një datë fikse për strukturën që do të merret me verifikimin e librezave të punonjësve të ministrisë dhe institucioneve të tjera në varësi.

 “në bashkëpunim me strukturat e furnizuesit e eenrgjisë elektrike, çdo muaj brenda datës 15 sigurohet informacion pranë furnizuesit të energjisë elektrike, lidhur me gjendjen e detyrimeve të punonjësve si dhe me statusin e detyrimeve të evidentuara më parë”

E koncpetuar si një “polici e dritave” kjo strukturë është e ngarkuar që të ndërhyjë në llogarinë e pagës së çdo punonjësi, duke sekuestruar shumën e nevojshme për shlyerjen e pagesave të energjisë. Ministri thotë se kjo praktikë i referohet legjislacionit në fuqi por nuk saktëson se në cilin nen apo rregulloreje bazohet.

“Pas inicimit të procedurave të ekzekutimit të detyrueshëm nga zyrat e përmbarimit, Njësia e Financës dhe Burimeve Njerëzore konform legjislacionit në fuqi bashkëpunojnë me përmbaruesin për të siguruar të dhënat përkatëse të punonjësit në mënyrë që të bëhet i mundur ekzekutimi i detyrimit nëpërmjet sekuestrimit të pagës, duke respektuar minimumin e nivelit jetik”

Ministria e Financave po ashtu merr përsipër ndërmjetësimin  me bankat e nivelit të dytë për marrjen e kredive nga punonjësit me qëllim shlyerjen e dtyrimeve të prapambetura të energjisë.

“Me pëlqimin e punonjësve, Njësitë e Financës mund të bashkëpunojnë me bankat e nivelit të dytë për t’I ofruar mundësi punonjësit për pagesën e detyrimeve të enegjisë elektrike nëprmjet formës së “debitimit direkt” nëprmjet formalizimit të marrëveshjeve të përbashkëta”

Një urdhër i ngjashëm i lëshuar nga Drejtoria Arsimore e Tiranës është cilësuar si i paligjshëm nga Avokati I Popullit, i cili I ka kërkuar qeverisë të tërhiqet nga kjo praktikë që është edhe një shkelje e hapur e të drejtave të njeriut.

Leonard Mitro