Zogizmi im…
Në shtyp ka dy ditë që po lexoj historinë time si “zogist”… Kush më njeh përfshi dhe zogistët e dinë që nuk jam i tillë! Ajo që më vjen keq, është se ky debat po vjen brenda logjikës së lojës së kryeministrit aktual me historinë e Shqipërisë dhe shqiptarëve.
Ky debat filloi me deklarimin tim se largimi i mbretit Zog nga Shqipëria ishte akt juridik që zyrtarizoi pushtimin e Shqipërisë…Ironikja, është që kjo ishte thjesht një përsëritje e asaj që kam thënë edhe më parë! Duket se jemi në një situatë të “re”…! Pas kësaj pashë, që sipas disave, i kisha dalë në mbrojtje me këtë deklaratë një tradhtari, hajduti, vrasësi dhe ku dihet çfarë tjetër…Si të mos mjaftonte kjo, Kryeministrit Berisha deklaroi se “i paska ardhur keq” që unë mund të bëhem “kurban” i mbretërisë”!?
Në vendin tonë gabimet përsëriten pasi nuk ka kujtesë historike të ndërtuar në principe të qarta. Ajo që ka ndodhur është “kokëngrënia” dhe ndërtimi i të vërtetave të njëanshme, të cilat prodhojnë keqpërdorimin e politikës mbi faktet dhe historinë.
Unë nuk jam historian! Por, di që Partia Demokratike e nisi rrugëtimin e saj si “Noliste”… U vendos edhe një bust i peshkopit patriot Fan Noli, për këtë arsye, midis godinës së Akademisë së Shkencave. Sot ai bust është lëvizur!…
Shpresoj që media ta ketë ende në arkivë mospranimin e familjes mbretërore dhe Leka Zogut në aeroportin e Tiranës kur ai u kthye në vendlindje pas vitit 1992! Sigurisht urdhrin për këtë e dha dikush që ka kthyer mendjen sot!…
Në 1997, të gjitha partitë politike, përfshirë edhe republikanin Godo, ishin të pranishme për t’ia uruar mirëseardhjen Leka Zogut në Shqipëri në një nga sallat e Hotel Rognerit. Unë isha aty me vendimin e Kryesisë së PSSH për të përfaqësuar qëndrimin miratues të saj. Në atë takim mungonte vetëm një parti. Kjo ishte Partia Demokratike.
Kush e propozoi referendumin për monarkinë si një çështje ende e hapur në tavolinën e partive në 1997? Një gjë është e sigurt që PD dhe presidenti i kohës ishin në pozitat e atij që “e pranoi” atë…
Mendoj se pavarësisht se çfarë ndodhi pas zgjedhjeve të 1997-ës me përplasjet përpara zyrave të KQZ-së mes policisë dhe turmës ku ishte edhe Leka Zogu i veshur ushtarak, çdokush që kuptonte “lojën” politike të atëhershme e dinte se kush ishte “mjeshtri” i këtij kurthi….
Në 2002 dhe më pas ishte qeverisja socialiste ajo që hapi dyert për familjen mbretërore dhe dhënien e një statusi ligjor për të…Nuk kam dëgjuar “psherëtima” nga askush në atë kohë se po “rehabilitojmë vrasësit apo kolaboracionistët”…
Dikush nga LSI paska deklaruar se është me Luigj Gurakuqi dhe jo me Zogun! Me sa di, anëtarë të kësaj partie mbanin nga krahu në zbritjen nga avioni Nënën Mbretëreshë në 2002… Për të mos diskutuar pastaj faktin që po bashkëqeverisin… me legalistët!
Në këtë histori tragjikomike ka një lojtar të vjetër që bën herë “mbrojtësin” e herë “sulmuesin”. Ky është Sali Berisha! Ai e ka ditur se duke ngritur “lart” figurën e Zogut në të vërtetë absolute të historisë shqiptare do të zgjojë nervozizmin e shqiptarëve të cilët mendojnë se 100 vjet shtet nuk është vetëm kaq! Ai e di këtë! Doktori dinak e di se kjo lojë për “pronësinë” e historisë nxjerr të fituar sidomos atë. E lodhur nga qeverisja, pas 22 vjetësh histori politike me ulje dhe ngritje, pyetja therëse për PD-në është se çfarë profili partie është ky grupim njerëzish që qeverisin Shqipërinë aktualisht?
Ambienti social i qeverisjes aktuale shqiptare është produkt i poskomunizmit dhe dyzimit të tij. Ajo me sjelljet e fundit ndaj të vërtetave të historisë shtetformuese të Shqipërisë na fton të vazhdojmë jetën e dyfishtë, që mendon ndryshe dhe flet ndryshe. Ky proces vjen e ngjizur nga një kulturë “konvertimi” e cila është bërë virusi më domethënës i krizës së tranzicionit të shoqërisë shqiptare. Kjo kulturë është baza e një imoraliteti politik që të bënte dje nga komunist në demokrat dhe nga opozitar në pushtetar sot, pa respektuar asnjë kod etike apo vullnet politik të votuesve. Kulti i maskarait politik po kthehet aktualisht në moral!
Unë ja vlerësoj “teknikën” politike Sali Berishës ndaj nuk dua të replikoj me askënd tek zërat e shqetësuar për “zogizmin” tim… Qetësisht ftoj të ngrihet cilindo në nivelin e pjesëmarrësve të Konferencës së Pezës dhe fondamenteve të nisjes së LANC-it ku legalistët ishin pjesë integrale deri në Shtabin e Përgjithshëm të saj. Komunistët i pranuan legalistët si partnerë ndryshe nga Balli Kombëtar derisa ndodhi divorci i njohur. Partinë Komuniste mund ta akuzosh për shumë gjëra por në bashkëpunimin me kolaboracionistët ajo ka pasur më shumë se “vijë të kuqe”…
Ky debat i nisur ka kuptim! Ai padyshim do të ndjellë “korbat” e çdo ane por padyshim ata nuk janë problemi por rezultat i tij. Problemi që ngacmon aktualisht ndërgjegjen e çdo shqiptari është raporti me të vërtetën në historinë tonë kombëtare.
Unë hyj tek njerëzit që refuzoj të pranoj që në 100 vjet shtet jemi drejtuar nga një hajdut dhe kolaboracionist (!) dhe nga një diktator i dyshuar për homoseksual(!)…Unë besoj tek gjakftohtësia që koha na këshillon të vlerësojmë me qetësi. Ahmet Zogut t’i jepet ajo që i takon duke ja vlerësuar aktet dhe analizuar gabimet. Enver Hoxhës po ashtu. Dhe pa dyshim edhe për cilindo tjetër nesër, duke krijuar kështu “simfoninë” e munguar të historisë sonë kombëtare dhe paqen me të kaluarën tonë të përbashkët…
Unë nuk jam historian. Jam vetëm një njeri që kujtoj se para zgjedhjeve të 2009 në një sallë të mbushur plot me të rinj e të reja të FRESSH-it, në pallatin e kongreseve, midis duartrokitjeve u deklarua se pjesëmarrës si i ftuar ishte edhe princi…nipi i Ahmet Zogut! Mua, nuk e fsheh më janë mbushur sytë. Nipi i armikut tonë zyrtar të historisë politike të vjetër dhe të re ishte aty.
Një histori që miqtë e mi të Legalitetit ma kanë treguar vetë thotë se në vitet 60-të kur Enver Hoxha prishi marrëdhëniet me Bashkimin Sovjetik, legalistët në emigracion u organizuan e dolën edhe me deklarime se në se Shqipëria sulmohej ata do të vinin dhe të bëheshin “ushtarë të Enver Hoxhës”…Kjo është padyshim vec gjuhë shqiptarësh.
Gabimet shqiptare të historisë janë të lidhura me luftën për pushtet. Aty shfaqen defekte dhe probleme të cilat nxisin qeveritarët të bashkëpunojnë edhe me kundërshtarët historikë të shqiptarëve. Kjo ka ndodhur dhe ndodh!
Përvjetori i 100-të i shtetformimit ka një vlerë të madhe për të kuptuar nga vijmë dhe ku jemi duke shkuar.
Eshtë e provuar jo vetëm në politikë por edhe më gjerë se urrejtja krijon një identitet më të qartë se sa universalizmi i dashurisë. Unë shpresoj tek dyta dhe historia e shkruar jo nga politikanët.
Shpresoj që teksti i saj të hedhë rrënjë ngadalë për të shpëtuar brezat që vinë nga modeli i kokëngrënies dhe papërgjegjshmërisë kombëtare të cilat nuk janë cilësi të shqiptarëve por padyshim të qeverisjeve të tyre.
Duke mirëkuptuar cilindo që ka mendim të ndryshëm shpresoj se kur shikoni fotografinë e dorëzimit të kurorës mbretërore të Shqipërisë në Romë për mbretin italian ju vjen padashur pyetja edhe inatçore – “Po pse ai mbreti “hajdut” iku dhe nuk është këtu?!”…. A duhej të rezistonte më shumë? A duhej të vritej? A duhej…. Pyetjet janë shumë! Përgjigja ime është e thjeshtë. Megjithatë, ai nuk qëndroi si kolaboracionist zyrtar për të na turpëruar historikisht! Ahmet Zogu pavarësisht gjithë rezervave të mia ndaj veprimtarisë së tij, në atë moment kuptoi kohën dhe vendosi! Kjo nuk e bën hero por padyshim nuk e bën atë as tradhtar!
Comments
Ajo çka me pelqen ne te
<p>Ajo çka me pelqen ne te gjithe kete diskutim nuk ka te beje asfare me thelbin e tij, por me faktin se shohim nje eksponent te PS qe thote natyrshem nje mendim ndryshe nga tradita dhe vija e partise. E ben kete ne menyren me civile, pa share, pa fyer e bertitur. Sikur te kishim edhe nje PD me njerez te tille, Shqiperia do te ishte ndryshe.</p>
Ua moj mami e gjetem
<p>Ua moj mami e gjetem "intelektuhalin" qe na mungonte edhe nje tjeter na duhet ..... Ua po e kemi ....Jaaa eshte Berisha edhe ai Majka thote ....... Ja pra qe i beme dy , keshtu qe shpetuam !</p><p>I vetmi problem qe mbetet pas kesaj eshte se te dy mburrin tradhetine , mburrin servin e Pashicit , mburrin grabitjen e floririt (si ne vjedhjen e trenave , ne filmat West) , por edhe ca vrasje te pademshme ye ca patrioteve !</p><p>Ua prape harrova , ne tani jemi evropiane dhe jo shqiptare sic ishim atehere , keshtu qe prape nuk na prishet puna ! Kujt ia shitem ? Serbit ! Po a nuk eshte serbi vellai yne europian ? Kush na pushtoi ? Italia ! Po a nuk eshte Italia motra jone europiane ! Cfare vrau ? Patriotet ! Ua po mire ua beri sepse do te pengonin integrimin ....! Cfare vodhi ! Floririn e shtetit shqiptar ! Ua po nuk ka asnje gje , prape nje shqiptar e morri , nje vella i yne ! Praaa cfare ka ndodhur ? Ne fund te fundit asgje !</p><p>Prandaj ruani qetesine si Majka ! Mos e prishni gjakun !</p>
Te falenderoj zoti Pandeli
<p>Te falenderoj zoti Pandeli per sinqeritetin tend dhe mendimin realist, pa kornize dhe shabllone te trashegimit monist qe shume 'analiste'' i kane per bibel dhe nuk kerkojne te lemojne apo rishikojne historine qe na serviret akoma e trilluar dhe per kete fajin kryesor e kane ''gjelat'' e Enver Hoxhes qe akoma na bejne leksion, K Frasheri dhe Sh Sinani.</p>
S'ka mbetur me idiot ne
<p>S'ka mbetur me idiot ne Shqiperi qe te mos jap "leksione" per gjera qe s'e kane haberin. Na mbyten profesor doktorat e kafeneve.</p>
me gjithe rezervat qe kam
me gjithe rezervat qe kam ndaj Majkos, duhet te pranoj se eshte hera e pare qe lexoj nje politikan shqiptar qe thote dicka te ndryshme nga propaganda. I respektueshem.
Sa per Zogun, mendoj se dhe mbeshtetesit, dhe kundershtaret e figures se tij ngaterrojne kekun me byrekun. Kur njera pale flet per Zogun si shtet formues, pala tjeter permend ata qe vrau ai, pa marre fare parasysh kontekstin e kohes ( kundershtaret e Zogut nuk ishin engjej, dhe ata te vrisnin po t'u prisje rrugen).
Mbeshtetesit e trajtojne Zogun si nje mbret perrallash qe qeveriste duke mbjelle lule dhe i anashkalojne problematikat e tij, perfshi dhe vrasjet politike.
Mendoj se duhet ndare gjykimi pragmatik nga ai moral.
Me gjykim pragamtik, Zogu formoi shtetin e pare real shqiptar, ku vertet kontrollohej gjithe vendi, ku kishte autoritet policor real, arsim, spitale, zyra, ushtri. Te gjitha keto minimale, por fillim i mire ne raport me kohen. Te gjitha keto me mjete moralisht te diskutueshme, por dhe te tjeret nuk ishin engjej. Zogu pati dinakerine qe edhe pse erdhi ne pushtet me ndihme Jugosllave, te bente aleance me Italine. Pushtimi s'ishte rrjedhoje e kesaj aleance, por pasoje e ngjarjeve ne teatrin boteror. Zogu ngriti nje shtet dinjitoz, ne raport me fuqine e Shqiperise.
Teknikisht ai eshte prijersi me i suksesshem i historise se Shqiperise. Moralisht nje kokerr legeni, por si e thashe me lart edhe kundershtaret e tij (ata qe nuk i vrau, u mbajten me buke me pare serbe dhe u bene kolaboracioniste ne vakt te Italise) nuk shquheshin per ndnj dashuri ndaj te drejtes.
Zoti Majko! Esenca e debatit
<p>Zoti Majko! Esenca e debatit nuk ka te beje shume me personin e A. Zogut por me teper ka te beje me standartin moral qe duhet te kete nje shoqeri. Ky standart kerkon pergjigjen e pyetjes: Kush eshte atdhetar ( dhe, rrjedhimisht, duhet nderuar e marre si shembull nga brezat), ai qe rremben armen dhe jep jeten ne lufte kunder pushtuesit, apo ai qe rremben parate dhe arin e popullit dhe ia mbath per te shpetuar veten dhe familjen dhe per te bere nje jete perrallore? Pse ne i kerkojme ushtarit dhe oficerit te beje betimin se do te luftoje per mbrojtjen e atdheut deri ne dhenien e jetes, ndersa per Komandantin e Pergjithshem ( edhe Zogu kishte bere betim se do mbronte tokat e Shqiperise) perdorim tjeter kriter? A duhet te jene te gjithe te barabarte para ligjeve dhe Atdheut? Pse njerin e denojme dhe tjetrin e justifikojme apo lartesojme? Eshte shume feminore te pretendosh se ikja e mbretit ishte akti juridik qe i tregoi botes se u pushtua Shqiperia. Akti qe verteton pushtimin e nje vendi nga nje tjeter eshte prania e forcave dhe mejeteve ushtarake ne territorin e shtetit te pushtuar.</p><p>Sali Berishen e njohin te gjithe shqiptaret kush eshte dhe cfare perfaqson. Por, gjithashtu, njeri nga shkaqet qe Sali Berisha eshte ne pushtet, ne vend qe te ishte ne burg, eshte edhe ekzistenca e kundershtareve politike impotente dhe jo konsekuente.</p><p>Neve nuk na intereson shume as Zogu as Hoxha, sa na interesojne kriteret morale dhe kombetare te vleresimit te akteve te individeve te shoqerise e, ne radhe te pare, te atyre qe ndodhen ne krye dhe qe gezojne me shume se te tjeret te mirat materiale te posteve.</p><p>Historija e mbreterise shqiptare eshte rast unik dhe njekohesisht shume qesharak. Ajo ishte nje mbreteri false dhe e pakonfirmuar as ligjerisht dhe as kombetarisht. Ishte dhe mbetet thjeshte nje tentative per pushtet absolut, e cila, ndoshta, edhe sot do te ekzistonte po te mos ishte Lufta e Dyte Boterore.</p>
Shume drejte Niko Maloku! I
<p>Shume drejte Niko Maloku!</p><p>I ke permbledh te gjitha shume mire.</p>
Lexova artikullin-replik
<p>Lexova artikullin-replik tuajin z.Majko,por ai shkrim nuk i ngjante aspak nje replike, sepse</p><p>nuk jepte asnji lloj pergjigje reagimeve te shumta ne masmedia</p><p>Kjo lloj repliket nuk i jepte pergjigje asnji prej kontastuesve tuaj, perfshire edhe mua.</p><p>Kundershtimet per deklararimin tuaj, kishin te benin ne pergjithesi, me ate qe ju e quani</p><p>vlere,siç ishte arratisja e"mbretit" duke grabitur edhe Banken e Shtetit ne vigjilje te pushtim.</p><p>Ndersa ju, jo vetem qe nuk jeni pergjgjur, por jeni "hallakatur" me konkluzione politike, qe</p><p>ne vend te sqaronin diçka, e kane bere gjithçka edhe me te mjergullt.</p><p>Nuk e kuptoj se çhyn i "gjori" Berish me sulmin qe i keni bere pothuajse ne te gjithe</p><p>repliken tuaj,kur ai i "shkreti" dhe shpura e tij te mori ne mbrojte,biles jam i bindur qe ne</p><p>rast se "trokisni" ne deren e PD te gradojne menjehere n/kryetar per historin. Apo eshte nje lloj</p><p>"vrasje" ndergjegjeje,dhe ne kete menyre mund te justifikoheni me ata qindramijra militant qe keni</p><p>zhgenjyer,duke i rinovuar e konfirmuar "dellin " tuaj antiberishjan.</p><p>Mandej gjithe ajo retrospektiv me pinjollet e "mbretit", me dukek krejt e kote, sepse nuk ishte ky</p><p>thelbi i debatit: ne hyjne,apo nuk hyjne trashigimtaret e Zogjit ne Shqiperi,por sjellja e "mbretit".</p><p>Diçka tjeter qe me beri pershtypje ne replike, ishte vetdeklarimi i shpeshte,qe ju sjeni nje historian.</p><p>E gjykuar thjesht,duket si nje fare justifikimi, si nje lloj menyre per te kerkuar falje.Por ne kete rast</p><p>tingellon pak si naive,sepse per te njohur keto fakte historike ska nevoje te jesh ndonje historian i</p><p>rrethuar me tituj e dekorata, por thjesht nje person me nje nivel mesatar kulturor.Jo si ju.</p><p>Megjithese ju nuk i merrni parasysh dhe vrejtjet qe kane shprehur historianet me shume tituj. </p><p>Megjithate, ne fund te replikes,i ktheheni perseri frazes suaj "inkriminuese",per te treguar se jeni</p><p>koherent ne bindejt tuaja, por qe ne te vertet skeni bere asgje tjeter,vetem se jeni perpjekur te</p><p>"lani mutin me shurr" siç thojm ne andej nga Shkodra.</p><p>Do te kisha dashur te dija kur,dhe cili Mbret ne histori. i shpallur, apo i veteshpallur, ka shkuar</p><p>vullnetarisht te ja dorezoje kuroren nje Mbreti tjeter?Sigurisht qe nuk jane teresisht leshko.</p><p>Pra sipas teje zMajko, Zogji ja paska mbath vrapit pa vu kamen mire pushtusi,sepse spaska</p><p>dasht me ja dhan kunoren mbreterore V.Emanuelit, prandajna duhet ne duhet te ngazellehemi</p><p>e te lumturohemi dhe te brohorasim njezeri:o ty te lumshin dyja kamt o mreti jon.</p><p>Ju do te thoni perseri ndoshta se nuk jam historian;Por dhe mua me lind e drejta te them:mos jaq fut kot. </p><p> </p><p> </p>
Pandeli Majko eshte nga te
<p>Pandeli Majko eshte nga te rrallet politikane intelektuale dhe patriote. Prandaj e duam prej Sarandes ne Shkoder, prej Prizerenit ne Mitrovice, prej Shkupit ne Manastir, prej Presheve ne Medvexhe, prej Tuzit ne Ulqin, prej Nju Jorkut ne Londer, prej Zurichut ne Rome, prej Vjene ne Stamboll.</p>
Majko kerkon te vendose ne
<p>Majko kerkon te vendose ne nje kandar budallallekun e tij me hipokrizine e PD dhe LSI. Nuk mund te argumentohet keshtu. Nuk merret me faktet historike(tashme ato jane vertet fakte), dhe me logjiken e pohimeve te tij te para ca diteve te cilat as B-Qir Meta s do guxonte ti bente, por me faktin qe te gjithe ata qe mbrojne dhe duan te rehabilitojne Legalitetin, ia kane me te futur Zogut. Edhe ne qofte e vertete kjo, atehere çfare? A ndryshon gje kjo ne kandarin e bemave te nje mbreterimi per te cilin duhet te turperohemi edhe sot pas 80 vitesh? Si eshte e mundur, qe ndryshe nga te gjithe kombet, te cilet kane vetem heronjte neper sheshet e tyre, ne i duam te gjithe njesoj, si antifashistet, ashtu edhe kolaboracionistet, si atdhetaret, ashtu renegatet, si heronjte e luftes, ashtu edhe dezertoret?</p>
Majko duket se ka nje
<p> </p><p>Majko duket se ka nje mendim "te larte" per vetveten dhe perpiqet ti mbushe mendjen vetes se cfare ka thene per Zogun (dhe jo vetem) eshte mjaft inteligjente dhe e keqkuptuar nga shumica e te tjereve.</p><p>Nuk eshte hera e pare qe i gjori Majko leshon mufka te trasha dhe pavend qe normalisht nuk duhen marre seriozisht.</p><p>E keqja e tij dhe te gjithe ketij sorrollopi - "gjoja politikanesh" rastesor e leshko te politikes idiote te Tiranes qendron se pari ne perseritjen e te tilla gafave dhe qendrimeve pa sens...</p><p>Se dyti dhe per me teper qendron me ate qendrim skandaloz te shume prej ketyre karagjozeve mendjendritur te "elites" shqiptare qe me gjasme na qenkan keqkuptuar nga publiku. Pra cdo gje qe thone apo bajne - nuk eshte per faj te tyre por per publikun e gjera apo "armiqte" qe nuk jua duan te miren.</p><p>E sheh ne mas kete fenomen kudo ne vendin tone. Individe te thjeshte por ca me keq tek personat publik si Majko ne kete rast (me kete shkrim te panevojshem dhe patetik) apo Lubonja ne menyre te perseritur (dhe te tjere) ku nuk duan te kuptojne se aftesia me e madhe e njeriut eshte te reflektuar dhe evolimit te mendimit dhe qendrimit ne je kontekst te caktuar. Njerez te tille kurre nuk mund te pranojne kurre qe ne fakt e kane gabim, qe nje mendim apo kritike e bere diku ben sens dhe eshte e drejte, qe shumica e njerezve qe nuk ndajne te njejtin mendim me ta nuk e bejne kete as per kokefortesi as edhe per zili apo dashakeqesi.</p><p>Per njerezite publik ne vecanti marrja ne konsiderate e mendimit publik, testimi i humorit apo reagimit ne rruge apo online lidhur me ato qe kane thene apo shruar eshte vital per vete ekzistencen e tyre dhe te qenit me kembe ne toke.</p><p>sot shumica e lexuesve (online ose jo) jane tejet te sofistikuar per te pranuar e toleruar brockulla te tipit Majko apo idiotesira dhe manipulimet e trasha te variantit Cili, Zheji, Fevzi etj...</p><p>Une keshtu e shoh kete ceshtjen e Majkos se gjore qe besoj te gjithe e pranojme nuk eshte personi me i zgjuar i Kopese.</p>
Pervec asaj qe thote Majko
<p>Pervec asaj qe thote Majko keta te pafytyret e respublicas kane hedhur nje pyetsor ku alternativa e qendrimit negativ ndaj largimit te Zogut eshte percaktuar me foljen "qortoj". Qortoj?!?!?! Te qortosh nuk eshte asgje eshte me pak se kritikoj. Eshte hipokrizi. Denoj! Kjo eshte folja dhe kendveshtrimi. Ikja e Zogut ishte nje akt i denueshem.</p>
Pandi. Deshe ti përgjigjesh
<p>Pandi. Deshe ti përgjigjesh Saliut. Gafë. Nuk na dëgjove. Ta thamë. Duhet heshtje. Bëj sikur nuk dëgjon. Sepse, të mos dëgjosh Salinë është shëndet, begati, lumturi shoqërore. Hesht si kryetari RAMA. Ti, dëgjove, me veshët hinkë, përsëri Salinë. Dhe përseri gabove. Sepse ta thame: Saliu ate pune ka, i'a do detyra! Sepse Saliu eshte kryeminister dhe i ka te gjitha gjërat e këtij vendi ne duart e tija. Edhe Zogun e kap dhe e lëshon si të dojë. Dhe per kete arësye te madhe te gjithë ne , vendas dhe te huaj, shohim duart e Saliut dhe jo duart e tua, Pandi. Edhe Opozita ku ti jeton shikon duart e Saliut. Apo Jo? Gjithësesi, Ti, përsëri e ndote mjedisin tonë. Ne vend që ta laje atë me flori ( heshtja është flori). Hodhe bajga te tjera ne mes te bulevardit. Kur them "në mes te bulevardit" e kam fjalen per Temen dhe ResPubliken, te cilat i lexojnë e u falen te gjithë te mencmit e këtij vendi - aq sa kane mbetur. Po Rama EDI cfarë te tha, cfarë te sugjeroi? Apo ai hesht me ... e tua. Sepse zgjedhjet po afrojnë, listat për deputetë e ministra po enden qoshkave, ndërsa ti Pandi, ndërkohë, largohesh. Largohesh nga idealet e larta socialiste me rivleresimet e tua barkgjëra per diktatorin mizor dhe tradhëtarin e kombit A.Zogu, në vend që të mbetesh e rritesh më tej si kollonë e së drejtës dhe së mirës në P.S. Një betejë e humbur nuk përcakton fatin e gjithë luftës. Kurajo.</p>
Fatkeqesisht logjika e z.
<p>Fatkeqesisht logjika e z. Majko nuk i reziston dot nje ekzaminimi pak me te kujdesshem.</p><p>Logjika e tij ketu eshte kjo: 1) 'te tjeret' jane ku e ku me te keqij dhe hipokrite, 2) ka nje lidhje organike midis historise se Monarkise Shqiptare, veprimeve te nje individi te caktuar, dhe femijeve apo niperve te tij.</p><p>Mua kjo logjike me duket e shtrember. Nese PD dhe LSI kane bere zigzage ne qendrimet e tyre ndaj historise, kjo nuk ka pike lidhje me diskutimin nese ikja e Mbretit Zog ishte apo jo tradheti. Mbase PD dhe LSI e kane gabim. Mbase kane mesuar dhe jane permiresuar ne tolerancen e tyre. Mbase jane korruptuar dhe i thone derrit daje. Por z. Majko pyetet per qendrimet e veta dhe jo te te tjereve.</p><p>Se dyti, Leka Zogu ishte adult dhe nese e futen ne kurth mjeshterit e tjere per kete fajin nuk ja pata une. Ai si i rritur te mbaje pergjegjesite e veta. Por i biri, nuk me rezulton te kete bere ndonje gje dhe eshte qytetar i respektuar i Republikes. Perse e permendim ate individ ne kete histori?</p><p>Se fundi, nuk me duket e drejte qe te diskutohen kot disa gjera qe jane te percaktuara qarte gjate historise: kapiteni eshte i fundit qe braktis anijen. Kur Mujo Ulqinaku dhe Abas Ermenji, te dy oficere te mbreterise vashdonin dhe benin rezistence te armatosur ndaj okupacionit, ku ndodhej Mbreti Zog? Z. Majko thote: ka edhe me keq, ai mund te ishte bere kuisling. Kjo logjike qe "ka edhe me keq" eshte ngushellim por jo shfajesim. Zogu kishte qene mbret per nje dekade te tere: 1928-1939. Ai kishte dhjete vjet kohe te ngrinte nje ushtri dhe te mbronte vendin. Qejf kishte fort te ishte mbret dhe te kontrollonte vendin - por te mbante mbi shpine pergjegjesite dhe pasojat e nje posti te tille jo.</p><p>Z. Majko na kujton qe ka edhe me keq. Mua kjo me duket nje logjike shume a la shqiptarce... </p>
sigurisht qe jeni me teperi
<p>sigurisht qe jeni me teperi emocional dhe pak showman por sigurisht qe jeni i admirueshem z majko dhe per mua figure unike dhe e rralle e mocalit politik shqiptar .... rrespekte te pakufijta</p>
Në fillim m'u duk sikur
<p>Në fillim m'u duk sikur Majkua kishte shkruar një shkrim me titullin "Zogu im" dhe thashë me vete: Po çne?</p>
Zoti Majko , mos e vrisni
<p>Zoti Majko , mos e vrisni mendjen se cfare thone shqiptaret ! I kane mesuar gjithe jeten me genjeshtra , se gjoja ata kane bere historine e tyre dhe se kane qene heronjte e tyre qe ky fare kombi ekzistonka sot ! Keshtu qe na paskan te drejte t'i quajne tradhetare apo heronj njerezit e tyre ! Keta nuk kane as heronje dhe as tradhetare ! Ata duhet ta dine njehere dhe mire se per keto specie , qe e quajne vehten popull shiptar (kane nja disa vjet qe po vetquhen komb) , gjithe merita na takon neve sllavo-grekeve te zgjedhur prej tyre dhe te mbeshtetur nga qeverite tona sllave dhe greke kudo qe ndodhen si ketu ne Ballkan ashtu edhe pertej Atlantikut !</p><p>Keta (shiptaret apo sic iu themi neve sllavo-greket "shiptarci" ose alvanos) nuk arrijne te kuptojne se heronjte dhe tradhetaret ua percaktojme neve , sipas sherbimit qe na japin ! Keta kujtojne se meqenese i lame te "lire" ne kete cope toke shkembore , kane te drejte te in tgeresohen per jete e tyre !</p><p>E shikon Zoti Majko se keta shiptaret po na tradhetojne neve sllavo-greko-italianeve ? Po neve jemi Evropa more ! Ke marrin guximin te tradhetojne keta , Evropen ?</p><p>Duhet me shume guxim zoti Majka , keni verejtje se nuk keni arrit rezultate te mira dhe te kenaqshme !</p>
"Pyetjet janë shumë!
<p>"<em>Pyetjet janë shumë! Përgjigja ime është e thjeshtë. <strong>Megjithatë, ai nuk qëndroi si kolaboracionist zyrtar për të na turpëruar historikisht!</strong> Ahmet Zogu pavarësisht gjithë rezervave të mia ndaj veprimtarisë së tij, në atë moment kuptoi kohën dhe vendosi! Kjo nuk e bën hero por padyshim nuk e bën atë as tradhtar"</em></p><p>Nuk kisha asgje kunder ketij shkrimi, por kur arrita tek keto rreshtat e fundit, nuk po u besoja syve. Ne baze te fjalise qe kam bere me te zeze, i bie qe sipas Z. Majko, te jesh HAJDUT sic u tregua ish-mbreti me vjedhjen e pasurise se kombit, eshte me e ndershme se te jesh KOLABORACIONIST. </p><p>Duket sikur Z. Majko paska probleme me perceptimin e fjaleve tradhtare, hajdut e kolaboracionist.</p><p>Skam fjale!</p><p> </p><p> </p>
Add new comment