François Hollande francezëve: Keni nevojë për një president normal? Më keni mua

Socialisti François Hollande – kështu thonë sondazhet – është shumë përpara Sarkozy-së. Sikur të votohej sot, Hollande do të kish një avantazh mbi 10 përqind të votave. E gjasat janë që ky avantazh të mbajë deri në fund. Francezët duken të vendosur të ndëshkojnë atë që ka qenë në fokus të refeltorëve të medias më shumë për histori rozë, për gossip, për divorcin e për lidhjen me Carla Brunin, se sa për bëmat presidenciale. Prandaj premtimi kryesor i kandidatit Hollande është shumë i thjeshtë. “Unë do të jem një President normal”, thotë ai në thelb.

Sarko ka shpresë në dy faktorë: 1. Tek faktori Merkel; kjo e fundit do ta ndihmojë gjatë fushatës me praninë e saj në tubime; dhe 2. Tek roli i fortë që Sarko vetë ka luajtur në skenën ndërkombëtare. Mirëpo, të dy këta faktorë nuk është se kanë shumë peshë në zgjedhjet franceze. Madje, ka gjasa që prania e Merkelit të bëjë efekt të kundërt.

Re.Pu.