Zbulohet restoranti i Llallës mbi tarracën e Prokurorisë

Është kthyer tashmë në praktikë mjaft fitimprurëse për  institucionet shtetërore që  hapësira të institucioneve të  tyre t’i përdorin për të hapur  biznese, kryesisht lokale. Pas Prokurorisë së Tiranës dhe Inspektoriatit  të Lartë të Deklarimit të Pasurive,  tashmë është Prokuroria e Përgjithshme e cila ka vendosur që të shpenzojë një shumë të konsiderueshme  për të ndërtuar një restorant mbi  tarracë. Praktika e institucioneve të  tjera ka treguar se pas ndërtimit me  fondet e buxhetit të institucioneve  shtetërore, këto mjedise u jepen me  qira individëve privatë me shuma të  papërfillshme, ndërsa xhiroja është  mëse e garantuar për shkak të klientelës stabël. Që në ditët e para të  publikimit të nismës “Stoprrënimit. com” nga Partia Socialiste janë të  shumtë qytetarët të cilët denoncuan ngritjen e shtesave apo të objekteve. Nga objektet e denoncuara nga  qytetarët, është edhe shtesa e kryer nga Prokuroria e Përgjithshme, e  cila i ka bllokuar pamjen e kateve të  sipërme të një prej pallateve pas saj.  Të kontaktuar në telefon, zyrtarët e  Prokurorisë shprehen se kanë marrë  leje. “Shekulli” ka mundur që të zbulojë dosjen e plotë të ndërtimit shtesë  që organi kryesor i akuzës ka kryer,  gjatë kësaj vere. Nga këqyrja e dokumentacionit, rezulton se shtesa e  ngritur nga Prokuroria e Përgjithshme është planifikuar jo për zyra,  por për një restorant. Madje, nga  hartat që kanë marrë pjesëmarrësit  në tender, rezultojnë se është për-caktuar edhe numri i tavolinave dhe  i gjithë sistemi i ndriçimit dhe ai  audio. Në total kostoja e shtesës  ka kushtuar rreth 5 milionë lekë të  reja. “Fondi limit: 4 997 548 lekë.  Burimi i Financimit: Buxheti i Shtet-it. Objekti i kontratës: Shtesë kati  me konstruksion metalik i kombinuar të Prokurorisë së Përgjithshme,  për vitin 2013, me prokurim elektronik”, thuhet në dosjen e tenderit  të zhvilluar nga ky institucion. Ende  nuk bëhet e ditur nëse Organi i Prokurorisë së Përgjithshme ka marrë leje  në Bashkinë e Tiranës për shtesë ka-ti, ndërsa dyshimet e qytetarëve të ternatia999@gmail.com  "Reshit Çollaku", godina "Lani"shpk. Tirane -ALBANIA ontakt: cilët kanë denoncuar rriten edhe tej,  duke marrë parasysh se ndërtimi i  saj nisi në periudhën parazgjedhore,  kur nuk ka pasur mbledhje të Këshillit  të Rregullimit të Territorit në Tiranë.  

Shtesa e Prokurorisë 

Sipërfaqja e shtesës është mbi 110  metra katrorë dhe pritet që të ketë  punime speciale. Konstruksioni i saj  do të jetë metalik, ndërsa pjesët brenda do të kenë punime speciale. 110  metra katrorë do të jenë veshje dërrase të dyshemesë, ndërsa tavanet do  të të punuar me gips, madje edhe tavane të varura, çka rrit vlerën e ndërtimit. Pjesa më e madhe e mureve,  për shkak të konstuksionit metalik të  objektit shtesë, do të jenë me vetrata të mëdha të cilat mund të hapen  duke rritur sipërfaqen e shfrytëzimit  për lokalin. Rreth katër metra katrorë  do të jetë banaku, ndërsa 4.5 metra  katrorë është parashikuar që të jetë  kuzhina e këtij restoranti. Lokali është  menduar që të ndahet në dy hapësira  të ndryshme, njëra për restorant dhe  tjetra ku do të shërbehen vetëm pijet.  Sipas dokumenteve të planimetrisë,  është parashikuar që të jenë katër tavolina druri të mëdha të mbuluara me  xham dhe për të cilat do të përdoren  kolltukë të veshur me imitacion lëkure.  Në pjesën tjetër është parashikuar që  të vendosen 8 tavolina druri. I gjithë  restoranti është parashikuar që të  mbulohet nga sistem audio përmes  4 bokseve që janë parashikuar të blihen dhe amplifikatorëve të ndryshëm. 

Siguria e Prokurorisë

Për shkak se Prokuroria e Përgjithshme është një institucion i rëndë- sisë së veçantë, i cili ka shumë zona  të sigurisë së lartë dhe si i tillë nuk  mund të bëhet publik projekti hidraulik, elektrik, i aspirim-kondicionimit,  telefonisë dhe internetit, projekti i  plotë i konstruksionit nuk është bërë  publik, duke i kërkuar kompanive të interesuara që të paraqiten posaçërisht  në institucion për të marrë projektet. 

Mbikëqyrja e punimeve 

Rreth 119 646 lekë është paguar vetëm mbikëqyrësi i punimeve që është përgjigjur për ndjekjen e  realizimit pikë për pikë të kontratës së nënshkruar midis Autoritetit Kontraktor dhe Kontraktuesit,  për realizimin e fazave të ndryshme të zbatimit  të respektimit të afatit të dorëzimit dhe kostos  së objektit. Mbikëqyrësi, sipas kontratës së lidhur, do të duhej të përgjigjej edhe për ndërtimin  e objektit në përputhje me projektin dhe kushtet  teknike të zbatimit në fuqi për mbikëqyrjen dhe  përshkrimin e zbatimit të projektit, cilësinë e materialeve të përdorura që të plotësojnë kërkesat  e objektit si dhe për vendosjen në vepër të elementeve të parapërgatitura. 

SHEKULLI