Ushtria e nxënësve të Partisë Demokratike

Dëshmitë tronditëse të mësuesve dhe drejtuesve të gjimnazeve: Si i futëm fëmijët në politikë

http://gazeta-shqip.com/lajme/wp-content/themes/gazeta-e-re/...); background-color: rgb(255, 255, 255); color: rgb(85, 85, 85); line-height: 19px; background-position: 0px 20px; background-repeat: no-repeat no-repeat;">

Investigimi i “Fiks Fare” është shtrirë në disa qytete ku nxënës e mësues pranojnë se kanë plotësuar formularët e anëtarësimit

Mësuesi tregon se kanë punuar me regjistrat e shkollës ku kanë nxjerrë të gjithë nxënësit që kanë mbushur moshën për të votuar

Partia Demokratike, pak ditë përpara mbylljes së vitit 2012, ka filluar një fushatë anëtarësimi në radhët e saj të të rinjve, gjimnazistëve maturantë.

Mësues, simpatizantë të PD-së, punonjës të drejtorive arsimore nëpër rrethe kanë plotësuar listat e anëtarësimeve të reja në radhët e Partisë Demokratike.

Vetë nxënësit, mësuesit dhe drejtuesit e shkollave kanë treguar për gazetarët e “Fiks Fare” se si e kanë organizuar plotësimin e formularëve të anëtarësimeve të reja, në bazë të udhëzimeve që u kishin ardhur nga drejtoritë arsimore.

Investigimi i “Fiks Fare” është shtrirë në disa qytete të Shqipërisë, ku nxënës e mësues pranojnë se kanë plotësuar formularët e anëtarësimit në PD, lista të cilat i kanë dorëzuar pranë zyrave të drejtorive arsimore dhe këto të fundit i kanë dorëzuar në zyrat qendrore të Partisë Demokratike në Tiranë.

Durrës

Maturantët e shkollës së mesme të përgjithshme “Olsi Lasko” në qytetin e Durrësit tregojnë se kanë plotësuar formularët për marrjen e teserës së PD-së disa ditë përpara mbylljes së vitit 2012. Ata pohojnë përpara kamerës së “Fiks Fare” se formularët ishin shpërndarë nga mësuesja e lëndës së Biologjisë, Elona.

E njëjta situatë ka qenë edhe në shkollën e mesme të përgjithshme “Naim Frashëri”. Nxënësit tregojnë se një ditë mësimi, pas përfundimit të orës së gjashtë të mësimit, kanë plotësuar formularët në një nga klasat e shkollës. Sipas tyre, mësuesja që është marrë me shpërndarjen dhe mbledhjen e formularëve ka qenë një mësuese e shkollës me emrin Silvana.

Fier

Në shkollën e mesme të përgjithshme në Fier, “Janaq Kilica”, nxënësit tregojnë se kanë plotësuar formularët e anëtarësimit në Partinë Demokratike. Ata pranojnë se me plotësimin e këtyre formularëve ka qenë e angazhuar mësuesja e letërsisë në këtë shkollë, mësuesja e anglishtes dhe një mësues i fizkulturës.

Elbasan

E njëjta situatë është edhe në Elbasan. Dy studentë të Fakultetit të Gjuhës dhe Letërsisë në Universitetin Aleksandër Xhuvani tregojnë se formularët e anëtarësimit në PD janë shpërndarë nga profesori i tyre Luçiano Boçi. Studentët tregojnë se atyre që kanë plotësuar formularët e anëtarësimit u janë premtuar lehtësira në disa lëndë të cilat jepen nga ky profesor. Atyre u është premtuar nota kaluese në tri lëndë.

Shkodër

Drejtori i një gjimnazi të Shkodrës pohon me gojën e tij se janë dorëzuar aplikimet në degën e PD-së së qytetit dhe për këtë është ngarkuar një punonjës i Drejtorisë Arsimore të Shkodrës, por që mbulon edhe sektorin e PD-së, Tom Asllani.

Vetë drejtori pranon se ka plotësuar edhe ai formularët e ia ka dërguar eprorit të tij, drejtoreshës së drejtorisë arsimore.

Korçë

Në dy shkolla të mesme të përgjithshme të Korçës, drejtuesit e tyre pranojnë me krenari se e kanë përmbushur detyrën e ngarkuar, atë të anëtarësimit të maturantëve në PD-së.

Një anëtare e FRPD, gjimnaziste në këto shkolla tregon se udhëzimin dhe formularët i kanë marrë e dorëzuar më pas në Drejtorinë Arsimore të Korçës.

Drejtori i shkollës së mesme të përgjithshme “Themistokli Gërmenji” tregon se me plotësimin e formularëve të anëtarësimeve të reja në PD është marrë nëndrejtoresha e shkollës së bashku me dy mësues.

Mësuesi i Fizkulturës në këtë shkollë tregon se kanë punuar me regjistrat e shkollës ku kanë nxjerrë të gjithë nxënësit që kanë mbushur moshën për të votuar. Duke treguar devotshmërinë në përmbushjen e kësaj detyre, mësuesi i Fizkulturës tregon se si është detyruar të ulë automatin e kutisë qendrore të furnizimit me energji të shkollës për të detyruar mësuesit të ndërpresin mësimin e më pas nxënësit të shkonin në takimet elektorale që PD-ja organizonte në qytet e ku duhet të ishin të pranishëm edhe nxënësit e shkollave.

Dëshmia

Një mësues në Korçë tregon se si është detyruar të ulë automatin e kutisë qendrore të furnizimit me energji të shkollës, për të detyruar mësuesit të ndërpresin mësimin e më pas nxënësit të shkonin në takimet elektorale që PD-ja organizonte në qytet

SHQIP