Turqi, përplasje mes policisë dhe manifestuesve me rastin e 1 Majit.

Policia turke shpërndau sot me pompa uji dhe gaz lotsjellës qindra manifestues që tentuan të kundërshtonin ndalimin e manifestimeve me rastin e 1 majit në Sheshin Taksim, shesh emblematik i protestave kundër qeverisë.”Policia ka ndërhyrë me ndihmën e automjeteve të pajisura me pompa uji kundër manifestuesve, të cilët tentuan të largonin me forcë barrierat e ngritura në lagjen Besiktas për të arritur në Sheshin Taksim”, theksoi një gazetar.