Totozani: Prioritet, mbrojtja e grupeve në nevojë

Kryetari i Kuvendit Ilir Meta vlerëson punën e kryer nga Institucioni i Avokatit të Popullit dhe fakti që njerëzit kërkojnë mbrojtjen e tij, tregon se po ecet në rrugë të mbarë dhe se duhet mbështetje e shtetit dhe e partnerëve.

"E keni nxjerrë këtë institucion nga shkresat, nga protokollet dhe e keni çuar tek njerëzit", u shpreh Meta."E keni nxjerrë këtë institucion nga shkresat, nga protokollet dhe e keni çuar tek njerëzit", u shpreh Meta.

Duke folur në takimin e organizuar nga Avokati i Popullit për prezantimin e planit strategjik për periudhën 2013-2015, Meta theksoi se roli i Avokatit është i patjetërsueshëm në reformat demokratizuese.

"Falenderoj BE dhe SHBA-të për mbështetjen që i japin Avokatit të Popullit", tha Meta.

Nga ana e tij, Igli Totozani theksoi se ekspertët kanë bërë punë të palodhur dhe se detyra e Avokatit të Popullit është të vihet në mbrojtje të qytetarëve.

"Një sfidë tjetër është që të punojë me veten sipas parametrave të komuniteti europian, i udhëhequr nga transparenca, proaktiv, jodiskriminues. Ky institucion i demokracisë i shpikur 200 vjet më parë duhet të veprojë edhe në kulturën shqiptare. Ky institucion duhet të flasë hapur me qytetarët, që të fitojë besimin e tyre. Duhet të flasë hapur me administratën, pavarësisht se jo gjithmonë do të pëlqehet. Ne e konsiderojmë si pikë të fortë, bërjen e një oponence qytetare; është e rëndësishme të pranojmë si të mirat, ashtu edhe difektet e administratës publike. Por, e theksoj, se bashkëpunimi me institucionet shtetërore nuk do bëhet në kurriz të qytetarëve. Ne do të jemi aktivë në promovimin e të drejtave të njeriut, sidomos të grupeve në nevojë, romët, gratë,fëmijët, të burgosurit,viktimat e gjakmarrjes dhe veçanrisht, trafikun e të drejtave të njeriut dhe korrupsionit,” u shpreh Totozani. (Vijon)

Top Channel