Tiranë, sherr në kazino të “21 Dhjetori”, dy të rinj plagosin njëri-tjetrin me armë zjarri

Dy persona kanë mbetur të plagosur mbrëmjen e sotme në kryeqytet pas një konflikti me armë zjarri. Ngjarja ndodhi rreth orës 20:00 në një kazino në zonën e ‘21 Dhjetorit’ në Tiranë.

Sipas policisë së kryeqytetit Ndriçim Boka 22 vjeç dhe Klodian Shabani 25 vjeç kanë qëlluar me armë ndaj njëri-tjetrit, pas sherrit në kazino, duke mbetur të dy të plagosur.

Ata janë dërguar menjëherë në Spitalin Ushtarak, ku ndodhen ne gjendje te rende per jeten.

Policia, e cila mbërriti në vendngjarje, nisi menjëherë hetimet për zbardhjen e plotë të shkaqeve të plagosjes.

Shqip